Real Madrid ishaka gusahura Arsenal

Real Madrid ishaka gusahura Arsenal

 Oct 30, 2022 - 13:05

Real Madrid imwe mu makipe yubashywe cyane mu isi ya ruhago irifuza umwe mu bakinnyi bahetse Arsenal muri iyi minsi.

Biravugwa ko Real Madrid yiteguye kwerekeza muri Arsenal mu mpeshyi itaha ishaka rutahizamu Gabriel Jesus uri mu bari gutuma abafana ba Arsenal bamwenyura muri iyi minsi.

Inkuru dukesha ikinyamakuru Goal iravuga ko Gabriel Jesus ari umwe mu bakinnyi batanu bari ku rutonde rw'umutoza Carlo Ancelotti bagomba kuzajya muri Real Madrid mu mpeshyi.

Carlo Ancelotti abona Jesus nk'umukinnyi ushobora kwisanga neza mu bintu akina, ndetse akaba ashobora kuba umusimbura mwiza wa Karim Benzema uherutse kwegukana Ballon d'Or ya 2022.

Jesus ni umwe mu bakinnyi bafashije Arsenal gutangira neza umwaka w'imikino, uyu musore w'imyaka 25 akaba amaze gutsinda ibitego bitanu mu mikino 11 ya Premier league ndetse akanatangamo imipira ine yavuyemo ibitego.

Kuri urwo rutonde rwa Carlo Ancelotti kandi hariho abandi bakinnyi nka Alphonso Davies, Endrick, Enzo Fernandez na Piero Hincapie.

Gabriel Jesus arifuzwa na Real Madrid (Net-photo)