Ni tombora y'imikino ya kamarampaka ya UEFA Europa League yabaye kuri uyu wa Mbere aho amakipe yabaye aya Gatatu mu matsinda ya UEFA Champions League yatomboraga ayabaye aya kabiri mu matsinda ya Europa League.
Amakipe yavuye muri Champions League ni FC Barcelona, Juventus, Sporting CP, Shakhtar Donetsk, Ajax, Bayer Leverkusen, FC Sevilla na RB Salzburg.
Amakipe yabaye aya kabiri mu matsinda ya Europa League ni Manchester United, Nantes, Midtjylland, Rennes, Union Berlin, Monaco, PSV na AS Roma.
Rugikubita ikipe yabanje gutombora ni FC Barcelona yahise itombora ikipe ya Manchester United yo mu Bwongereza, amakipe yari azwiho guhanganira Champions League mu minsi ishize, ariko ubu aho ibihe biyagejeje ni muri Europa League.
Aya ni amakipe yombi abitse ibikombe umunani bya Champions league. Muri iyi myaka Manchester United yakunze gukina Europa League ndetse inayitwara mu 2017, ariko FC Barcelona yo si kenshi yayikinnye n'ubwo iyikinnye imyaka ibiri ikurikirana.
Uko amakipe yatomboranye:
FC Barcelona Vs Manchester United
Juventus Vs Nantes
Aporting Lisbon Vs Midtjylland
Shakhtar Donetsk Vs Rennes
Ajax Vs Union Berlin
Bayer Leverkusen Vs AS Monaco
Sevilla Vs PSV
RB Salzburg Vs AS Roma
Imikino ya mbere izaba tariki 16 Gashyantare 2023 mu gihe iyo kwishyura izaba tariki 23 Gashyantare 2023. Amakipe azakomeza hano azahita ajya muri ⅛ aho azajya guhura n'amakipe yabaye aya mbere mu matsinda ya Europa League.
