Rutahizamu Julian Alvarez ukinira ikipe ya Manchester City yatangaje ko Pep Guardiola yamaze kubabwira ikipe abona izegukana Igikombe cy'isi cya 2022 kizabera muri Qatar.
Uyu munya-Argentine yerekeje muri Manchester City mu mpeshyi akunze gukoreshwa nk'umusimbura wa Erling Haaland, ndetse byitezwe ko azahamagarwa mu ikipe y'igihugu ya Argentine izajya muri Qatar.
Alvarez nta mwaka aramara muri Manchester City(Image:REX)
Alvarez w'imyaka 22 yatangaje ko Pep Guardiola yatangaje ko Argentine iheruka kwegukana Igikombe cy'isi mu 1986, ariyo aha amahirwe menshi yo kwegukana igikombe cy'isi cya 2022.
Ikipe y'igihugu ya Argentine ni imwe mu makipe ahabwa amahirwe yo kwegukana iki gikombe cy'isi, dore ko izaba iyobowe na Lionel Messi uhagaze neza cyane muri uyu mwaka muri PSG akinira.
Aganira na ESPN, Julian Alvarez yagize ati:"Umwe mu minsi ya mbere Cancelo na Rodri barimo bavuga ku ikipe ishobora gutwara igikombe cy'isi, nta kintu nigeze mvuga. Bavugaga Portugal, Ubufaransa, n'ibindi bihugu by'i Burayi, ubundi Pep araza aravuga ngo 'muzi ufite amahirwe menshi? Nta kintu bigeze bavuga, ubundi antunga urutoki."
Umutoza Pep Guardiola yatunze urutoki Julian Alvarez byitezwe ko umutoza Lionel Scaloni azamuhamagara mu bakinnyi ba Argentine azajyana muri Qatar.
Ikipe y'igihugu ya Argentine iri mu itsinda C aho iri kumwe na Saudi Arabia, Poland na Mexico. Ni itsinda bigaragara ko rizorohera iyi kipe imaze imikino 35 idatsindwa, ikaba izahita ikomereza muri ⅛ cy'iri rushanwa ribura ibyumweru bike ngo ritangire muri Qatar.
Pep Guardiola afitiye ikizere Argentine (Net-photo)
