Mbappé yasesekaye muri Morocco ari kumwe na murumuna we Ethan Mbappé, ku butumire bwihariye bwa myugariro w’Ikipe y’Igihugu ya Morocco, Achraf Hakimi, bigeze no gukinana mu ikipe ya Paris Saint-Germain (PSG) mbere y’uko Mbappé yerekeza muri Real Madrid yo muri Espagne.
Uyu mukinnyi w’icyamamare ku rwego mpuzamahanga ategerejweho kwitabira uyu mukino nk’umushyitsi w’icyubahiro, aho azaba ashyigikiye bagenzi be barimo Achraf Hakimi ndetse na Ibrahim Díaz, bakinira ikipe ya Morocco.
Icyakora, Hakimi ntaramenyekana neza niba aza guhita agaragara mu bakinnyi 11 babanzamo bitewe nuko arimo gukiruka imvune.
Kuhagera kwa Mbappé kwateje ibyishimo n’inkuru nyinshi mu bafana ba ruhago muri Morocco no muri Afurika muri rusange, kuko ari umwe mu bakinnyi bakomeye ku isi muri iki gihe.
Uyu mukino wa Maroc na Mali witezweho byinshi, dore ko amakipe yombi ari mu ahanzwe amaso muri iri rushanwa rya AFCON 2025.
Kylian Mbappé yagiye muri Morocco ku butumire bwa Hakimi
