Umukinnyi w'Amavubi yerekeje muri Australia

Umukinnyi w'Amavubi yerekeje muri Australia

 Apr 30, 2022 - 11:21

Myugariro w'Amavubi Rutayiru jean Phiippe yamaze kwerekeza mu ikipe ya Riverside Olympic SC yo mu kiciro cya kabiri muri Australia.

Uyi myugariro w'imyaka 28 yari asanzwe akinira ikipe ya Sociedad Deportiva Lenense yo mu cyiciro cya 3 muri Espagne, akaba akina mu mutima wa ba myugariro.

Inkuru dukesha Isimbi ivuga ko ubu uyu musore yamaze kuva muri iyi kipe ya Deportiva Lenense yo muri Espagne, akaba yamaze kujya muri Riverside Olympic SC yo mu kiciro cya kabiri muri Australia.

Uyu musore nyuma yo kwerekeza muri iyi kipe, yavuze ko yishimiye uburyo yakiriwemo kandi yishimiye gukinana n’abanya-Australia.

Yagize ati:"nishimiye gutangaza ko natangiye urugendo rushya muri Australia na Riverside Olympic mu cyiciro cya kabiri. Nagize umugisha wo kwakirwa neza, ntegereje kugaruka mu kibuga n’abavandimwe bo muri Australia."

Rutayiru jean Philppe yerekeje muri Riverside Olympic FC

Rutabayiru Jean Philippe wavukiyiye muri Canada, muri 2013 yamaze igihe mu Rwanda aho yakorega imyitozo muri Police FC no mu ikipe y’igihugu y’abatarengeje imyaka 17.

Uyu musore aheruka guhamagarwa mu ikipe y’igihugu bwa mbere, mu Ugushyingo 2021 ubwo u Rwanda rwiteguraga imikino yo mu matsinda yo gushaka itike y’igikombe cy’Isi cya 2022 aho rwakinnye na Mali na Kenya.

Rutayiru jean Philippe mu mwenda w'Amavubi