Ibi yabivuze nyuma y’uko habaye tombola igena uko amakipe azahura muri 1/8, 1/4 na 1/2 cy’irangiza. Arsenal, itozwa na Mikel Arteta, izahura na Bayer Leverkusen. Mu gihe yayisezerera, izahura n’uzava hagati ya Bodo/Glimt na Sporting CP.
Ku rundi ruhande rwa tombola, Manchester City yo izongera guhura na Real Madrid ku nshuro ya gatanu yikurikiranya muri iri rushanwa. Mu gihe City yasezerera Los Blancos, ishobora kuzahura na Bayern Munich muri 1/4 cy’irangiza.
Abajijwe niba Arsenal ifite amahirwe yoroshye kurusha andi makipe, Guardiola yasubije ati: “Byaba ari agasuzuguro kubivuga gutyo.”
Yakomeje agira ati: “Urugero, hari amakipe nka Newcastle, Barcelona, amakipe akomeye cyane. Hari Atletico Madrid cyangwa Spurs. Si ukuvuga ko Madrid itoroshye, buri wese arabizi.”
Guardiola yasoje ashimangira ko muri iki gihe, ushaka kugera kure muri Champions League agomba gutsinda amakipe akomeye, kuko ari bwo aba akwiriye gukomeza.
Umwanditsi: NIYOMUKIZA Gratien
