Impamvu 6 zabaye intandaro ya Miss Rose Manfere kutitabira Miss World zatangajwe
Pundit
Jul 17, 2021 - 11:35
Abashinzwe gutegura irushanwa rya Miss Tanzania basobanuye amakosa Miss Rose yakoze bityo biba intandaro yo gukubitwa inshuro ntiyatoranywa mu kwitabira Miss World.
Amakosa yakoze bayagize atandatu akaba adashobora kwihanganirwa. Miss Rose yasuzuguye umuterankunda w’irushanwa akora ibitandukanye n’ibyo bemeranyije mu masezerano.
Miss Tanzania amakosa yakoze amukozeho bituma atazitabira Miss World, irushanwa ry'ubwiza rukumbi ryubashywe kurusha andi-video
Iyo sosiyete iritera inkunga yitwa The Look Company niyo ishinzwe ibikorwa byose by’ubucuruzi no gushaka abaterankunga. Umuyobozi wa sosiyete itegura Miss Tanzania, Azama Mwasango yabwiye abanyamakuru ko uyu nyampinga hari ibintu yakoze agasuzuguza ikamba nyamara bamugira inama ntiyumve ahubwo agakomeza kurisuzuguza. Andi makossa ashinjwa harimo kwitabira ibirori by’andi masosiyete kandi atabiherewe uburenganzira, yajyaga asaba gutumirwa mu birori bidahesha icyubahiro Miss Tanzania ku bwamamare aba afite ku buryo hari ibyo yajyagamo biciriritse bidakwiriye. Ikindi kandi yakoze ibishoboka byose atangiza sosiyete ye imushakira amasoko yo kwamamaza, yajyaga yishakira inkunga atabivuganye n’abamushinzwe. Muri rusange hari ibyo yakoze bitakabaye byarakozwe na nyampinga ku buryo hanzuwe kumuhagarika ntiyitabire Miss World. Ibyo kuba Miss Rose yandikiye BASATA ayisaba kumurenganura nta gaciro bifite kuko sosiyete itegura irushanwa rya Nyampinga muri Tanzania niyo ifite amasezerano yo kohereza uzitabira Miss World. Kuri ubu Juliana uzamusimbura ibyangombwa bye biri gushakwa ku buryo ari hafi kwerekeza muri iryo rushanwa.