Ahazaza ha Harry Kane hakomeje kuba mu kirere mu gihe ikipe ya Tottenham ikomeje gutsimbarara ishaka miliyoni 100 z'amapawundi muri Bayern Munich ishaka uyu mwongereza.
Nyuma yo gutanga ubusabe(bid) inshuro eshatu zose bwangwa, ku wa mbere bamwe mu bayobozi ba Bayern Munich barimo Jan-Christian Dreesen na Marco Neppe bafashe indege bajya i London kuganira na Daniel Levy uyobora Tottenham.
Daniel Levy akomeje kuba ibamba ku makipe ashaka Harry Kane(Net-photo)
Bivugwa ko ubusabe ikipe ya Bayern Munich iheruka gutanga muri Tottenham yifuza Harry Kane bwari hafi miliyoni 85 z'amapawundi, ariko aya nayo Tottenham ikaba yarayanze kuko yifuza miliyoni 100 zifunze.
Inkuru dukesha ikinyamakuru Bild cyandikira mu Budage, iravuga ko Harry Kane nawe afite ubushake bwo kwerekeza muri Bayern Munich ndetse akaba yumva amafaranga itanga akwiye, ariko akaba anatekereza kongeraho miliyoni zibura ku yo Tottenham ishaka mu gihe iyi kipe yaba yanze kumurekura burundu.
Ikipe ya Tottenham nayo yatangiye kureba hirya no hino mu bakinnyi ishobora kuba yasimbuza Harry Kane, harimo umwongereza Brennan Johnson ukinira ikipe ya Nottingham Forest.
Kane ashaka gufasha Bayern Munich kumugura (Image:Getty)
