Grammy Awards ikomeje kubera Snoop Dogg inkuru y’igihuha

Grammy Awards ikomeje kubera Snoop Dogg inkuru y’igihuha

 Nov 18, 2022 - 16:28

Umuraperi Snoop Dogg niwe muhanzi udahirwa kurusha abandi muri Grammy Awards.

Mu gihe Beyoncé, Jay_Z , Kanye n’abandi bahanzi iyo bahatanye mu bihembo bya Recording Academy [Grammy Awards] baba bafite icyizere cyo kwegukana ibihembo, kuri Snoop Dogg siko bimeze kuko asa n’umaze kwiheba muri ibi bihembo dore ko ariwe umuze guhatana kenshi adatwara na kimwe.

Calvin Cordozar Broadus Jr wamamaye mu njyana ya Hip Hop n’umuziki muri rusange nka Snoop Dogg ni umwe mu baraperi bakomeye Isi ifite ndetse yigeze igira kuko ni umwe mu bibitseho imidari n’imidende y’ishimwe itagira uko ingana.

Gusa uyu muraperi iyo bigeze ku bihembo abenshi bafata nk’ibiyoboye ibindi ku Isi bya Grammy, kuri we yumva ahinze umushyitsi kuko ahorana ipfunwe ko ataratwara igihembo giturutse muri Recording Academy nk’uko bagenzi be nka Eminem n’abandi babikoze.

Nk’uko tubikesha ikinyamakuru Dailytrus , Snoop Dogg yisangije agahigo ko kuba umuhanzi wa mbere uhatanye inshuro nyinshi 19 adatwara n’imwe. Muri uyu mwaka wa Grammy Awards 2023, iyo aza guhatana mu cyiciro runaka aba yaragejeje inshuro 20 ahatana ndetse abenshi bemeze ko n'ubundi ntacyo yari kwegukana agahita aca agahigo ko kuba umuhanzi ugejeje inshuro 20 ahatana ataregukana nimwe muri Grammy Awards.

N’ubwo Snoop Dogg, Grammy yanze kumuhira, yibitseho ibindi bihembo nka American Music Awards (AMAs),APRA Awards, BET n’ibindi, Emmy award n’ibindi.

Muri uyu mwaka ubwo hatangazwaga abahataniye Grammy Awards 2022 yafashe umwanya ashimira Recording Academy kubwo kumushyira mu bahatanye kenshi badatwara n’imwe.

Snoop Dogg kuva mu mwaka wa 1990 akora umuziki yatwaye ibihembo byinshi ariko Grammy award yaramunaniye.