Hari ku munsi wa 9 wa Shampiyona y’abongereza English Premier League , umukino wabanjirije iyindi wari ku isaha ya saa 13:00
Chelsea yari yakiriye Norwich city.
Chelsea Fc yatangiranye imbaraga nyinshi kuko yashakaga gutsinda umukino kugirango ishyiremo intera nini hagati yayo na Liverpool ifite umukino none akaba ari nayo iyikurikira.
Chelsea Fc yatangiye isatira cyane kuko byatumye ibona igitego cya mbere ku munota wa 8 cyatsinzwe na Mason Mount ku mupira yahawe na Jorginho. Chelsea ntiyahagaze kuko ku munota wa 18 yatsinze icya 2 cyatsinzwe na Hudson Odoi ku mupira yahawe na Mateo Kovačić , ku munota wa 42 Chelsea yaje kubona igitego cya 3 cyatsinzwe na Reece James ku mupira yahawe na Mason Mount.
Igice cyambere cyatangiye ari ibitego 3 bya Chelsea Fc ku busa bwa Norwich city.
Igice cya kabiri gitangira abantu batekerezagako Norwich City igiye gusatira ikagabanya umubare w’umwenda yari yatsinzwe ariko siko byagenze kuko Chelsea yaje kuyinyagira ibindi 4 mu gice cya kabiri.
Ni ibitego byatsinzwe ku munota wa 57 na Ben Chilwell ku mupira yahawe na Mateo Kovačić , 62 Max Aarons yaje kwitsinda igitego cya 5 , ku munota wa 65 umusore wa Norwich Ben Gibson yaje guhabwa ikarita y’umutuku bituma ava mu kibuga .
Chelsea Fc yakomeje gusatira cyane ishaka igitego cya 6 byatumye inabona Penaliti yaje guterwa na Mason Mount ku munota wa 85.
Mason Mount wari wagize umukino mwiza yaje gushyiramo agashinguracumu ku munota wa 90+1 ku mupira yahawe na Loftus Cheek.
Umukino warangiye ari ibitego 7 bya Chelsea ku busa bwa Norwich city.
Undi mukino wakurikiyeho wahuzaga
Everton na Watford ni umukino abantu benshi baherezaga amahirwe menshi ikipe ya Everton kurusha Watford.
Ariko umukino watandukanye n’ibyo batekerezaga , nubwo Everton yari iri mu rugo yabanje igitego cyatsinzwe na Tom Davies ku munota wa 3 ku mupira yahawe na Demarei Gray Watford yaje kwishyura igitego ku munota wa 13 gitsinzwe na Joshua King .
Igice cya mbere cyarangiye amakipe yombi anganya igitego 1-1.
Igice cya kabiri cyatangiranye imbaraga ku ruhande rwa Everton kuko yatangiye ibona ikindi gitego cya 2 cyatsinzwe na Richarlison ku munota wa 63 ku mupira yahawe na Michael Keane.
Watford yaturutse inyuma itsinda ibitego 4 bisanga 1 bikaba 5-2 ni ibitego byatsinzwe na Juraj Kucka ku munota wa 78 , 80 , 87Joshua King na Emmanuel Dennis.
Umukino urangira Everton itsindiwe mu rugo ibitego 5-2 na Watford.
Undi mukino Manchester City yanyagiye Brighton & Hove Albion ibitego 4-1.
Ni ibitego byatsinzwe na Ilkay Gündogan ku munota wa 13 , 28, 31 Phil Foden ndetse na Riyad Mahrez ku munota wa 90+5 mu gihe igitego kimwe rukumbi cya Brighton & Hove Albion cyatsinzwe na Mac Allister kuri Penaliti yabonetse ku munota wa 81.
Manchester City itsinda umukino ku bitego 4-1 cya Brighton & Hove Albion.
Indi mikino yabaye
Crystal Palace 1-1 Newcastle United
Leeds United 1-1 Wolves
Southampton 2-2 Burnely
