Conor Mc Gregor ni umwongereza w'imyaka 33 uzwi cyane mu gukina imikino njyarugamba itandukanye, by'umwihariko akaba azwi ko ari umukunzi ukomeye wa Manchester United.
Mu gihe ikipe ya Chelsea bikomeje kuvugwa ko yashyizwe ku isoko, Conor Mc Gregor aravuga ko rwose ashishikajwe no kuba yagura iyi kipe y'umurusiya Roman Abramovic.
Roman Abramovic ashaka kugurisha iyi kipe aho bivugwa ko yifuza uwamuha miliyali 3 z'amapawundi, ubundi agatwara iyi kipe iherutse gutwara UEFA champions league n'igikombe cy'isi.
Conor Mc Gregor yanditse ku rukuta rwe rwa twitter ati:"Nshaka kwiga kuri ibi, Chelsea" Ni nyuma y'ifoto igaragaza ubutumwa bwa Whatsapp bugira buti:"Chelsea iri ku isoko. Miliyali 3 z'amapawundi. Reka tuyigure."
Uyu mugabo uzwi cyane mu mikino ya UFC, mu mwaka ushize yagaragaje ko yifuza kugura Manchester United akunda cyane. Yanditse kuri twitter ati:"Mwumve mwa bantu mwe! Ndi gutekereza kugura Manchester United! Ni iki mubitekerezaho!?"
Ibi kandi bije nyuma y'uko amakuru akomeje gucicikana avuga ko Roman Abramovic hari abo yagiye yegera abaza niba bidashoboka ko bagura iyi kipe ya Chelsea afite kuva mu 2003.
Umusuwisi w'imyaka 86 witwa Hansjorg Wyss avuga ko Roman Abramovic yaba yaramugejejeho igitekerezo cyo kugura iyi kipe, kandi Wyss avuga ko akiri kubitekerezaho ngo arebe icyakorwa.
Roman Abramovic yashyize Chelsea ku isoko(Net-photo)
Conor Mc Gregor arashaka kugura Chelsea(Image:Pinterest)
