Rupert Murdoch w'imyaka 92 y’amavuko, yatangaje ko yasezeranye n’umukunzi we mushya Ann Lesley Smith, mu gihe kitarenze umwaka nyuma yo gutandukana n’umugore we wa kane, Jerry Hall.
Yatangaje aya makuru mu kiganiro na kimwe mu binyamakuru bye bwite, New York Post, agaragaza ko yasabye umukunzi we w’imyaka 66 ko babana, nyuma yo kumwemerera akamwambika impeta ya diyama.
Murdoch wari umaze kubana n’abagore bane, yemeye ko yari afite ubwoba bwo kongera gusaba, yemera ko urukundo rutamuhiriye, ariko ko yizeye ko Smith ari we mugore we wanyuma.
Yavuze ati: “Nari mfite ubwoba bwinshi”. Ibi yabivuze ubwo yahishuraga ko we n’umukunzi we mushya bateganya kurushinga uyu mwaka, mu mpeshyi. “Natinyaga gukundana, ariko nari nzi ko uru ari urukundo rwanjye rwa nyuma. Nibyiza. Ndishimye. ”
![Bruce Melodie yishyizeho tatuwaje [tattoo] z’abana be](https://www.thechoicelive.com/uploads/images/2022/09/image_380x226_6332e9587ffb8.jpg){kind=small}
