Byari ku munsi wa gatatu w’irushanwa rya Uefa Champions aho hakinwaga kuva mu itsinda A kugeza kuri D.
Umukino wabanjirije indi ni uwa Besiktas yatsindwaga na Sporting Cp ibitego 4-1.
Undi mukino wahuzaga Manchester City na Club Brugge.
Ni Manchester City yari ikeneye gutsinda umukino kuko yashakaga kwegera Paris Saint Germain zizahanganira umwanya wa mbere.
Manchester City yatsinze ibitego 5-1 bya Club Brugge. Ni ibitego byatsinzwe na João Cancelo ku munota wa 30. Hari ku mupira yahawe na Phil Foden. Riyad Mahrez ku munota wa 43 kuri Penalitu yayinjije. Ku munota wa 53 Kyle Walker ku mupira yahawe na Kevin De Bruyne. Ku munota wa 67 Cole Palmer ku mupira yahawe na Raheem Sterling naho igitego cya gatanu cyatsinzwe na Riyad Mahrez ku munota wa 84, ku mupira yahawe na Fernandinho mu gihe igitego 1 rukumbi cya Club Brugge cyatsinzwe na Hans Vanaken ku munota wa 81.
Indi mikino yatangiye ku isaha ya saa 21:00 ari naho hari hitezwe ibitangaza.
Paris Saint Germain yari yakiriye RB Leipzig.
Ni umukino Paris Saint Germain yari ikeneye gutsinda kuko yashakaga kuba iyambere mu itsinda A aho ihanganiyemo na Manchester City yari yamaze gutsinda.
Ni umukino Paris Saint Germain yatangiranye inyota yo gutsinda kuko ku munota wa 9 yari yamaze gufungura izamu ku gitego cyatsinzwe na Kylian Mbappé arinako ikomeza kotsa igitutu.
RB Leipzig yari ifite ubusa bw’inota ikaba n’iyanyuma muri iri tsinda nayo yatangiye gukurira mu mukino byaje gutuma ibona igitego cyo kwishyura ku munota wa 28 cyatsinzwe na Andre Silva ku mupira yahawe na Angeliño .
Igice cyambere cyarangiye ari 1-1 ku mpande zombi.
Igice cya Kabiri cyatangiye imbaraga kubruhande rwa RB Leipzig kuko yaje kubona igitego cya kabiri ku munota wa 57 cyatsinzwe na Nordi Mukiele ku mupira yahawe na Angeliño.
RB Leipzig yakomeje kuyobora umukino kugeza ku munota wa 67 aho Lionel Messi yaje kwishyura igitego cya kabiri bari batsinzwe.
Paris Saint Germain yaje kongera gusatira ishakisha igitego cya 3 cyari kuba ikinyuranyo.
Ntibyatinze kuko Paris Saint Germain yaje kubona Penaliti ku munota wa 74 Lionel Messi ayitera neza abona igitego cye cya 2 kikaba icya 3 cya Paris Saint Germain.
RB Leipzig n’ubwo yagerageje gushakisha igitego cya 3 ntibyayikundiye kuko umukino warangiye ari ibitego 3 bya Paris Saint Germain kuri 2 bya RB Leipzig.
Umukino wari utegerejwe na benshi wari Atlético Madrid yakiraga Liverpool muri Espanye kuri Wanda Metropolitano Stadium.
Ni umukino watangiye Jürgen Klopp n’abasore be bari hejuru kurusha aba Diego Simeone. Liverpool yafunguye izamu ku munota wa 8 igitego cyatsinzwe na Mohamed Salah ku mupira yahawe na Andrew Robertson. Liverpool yakomeje kotsa igitutu ikipe ya Atlético Madrid kuko ntibyatinze ngo ibone igitego cya 2 cyatsinzwe na Naby Keïta ku munota wa 13.
Atlético Madrid itiyumvishaga ibirimo kuyibaho mu rugo yagarutse mu mukino aho ku munota wa 20 yaje kwishyuramo igitego 1 muri 2 yari yamaze gutsindwa. Igitego cyatsinzwe na Antoine Griezmann ku mupira yahawe na Koke. Atlético Madrid yakomeje gusatira ishakisha igitego cya 2. Antoine Griezmann wari mwiza muri uyu mukino yaje kubona igitego cya 2 ku munota wa 34 ku mupira yari ahawe na João Félix.
Igice cya mbere cyarangiye ari ibitego 2-2.
Igice cya Kabiri cyatangiye impande zombi zinganya imbaraga ariko Atlético Madrid ihererekanya umupira.
Ku munota wa 52 Antoine Griezmann wari wagize umukino mwiza yahawe ikarita itukura ku ikosa yakoreye Roberto Firmino.
Kuva ubwo Liverpool yatangiye gusatira cyane byaje gutuma Atlético Madrid irekera guhererekanya umupira ahubwo itangira gucungira ku makosa yakorwaga na Liverpool.
Atlético Madrid ntibyayihiriye kuko Mohamed Salah ku munota wa 78 yaje guhabwa Penaliti ku ikosa ryari rikorewe Diogo Jota. Mohamed Salah yaje gutera neza uwo mupira atsinda igitego cya gatatu cya Liverpool kikaba icye cya kabiri .
Diego Simeone wari ufite abasore icumi mu kibuga ntakindi yari gukora imbere ya Jürgen Klopp wari wamwize neza.
Umukino warangiye Liverpool itsindiye hanze ibitego 3-2 bya Atlético Madrid yari mu rugo kuri Wanda Metropolitano.
Indi mikino yabaye muri iri joro ni
Real Madrid yanyagiye Shakhtar Donetsk ibitego 5 k’ubusa, ni ibitego bya Serhiy Kryvtsov witsinze k’umunota wa 37, 51,56 Vinícius Júnior, 64 Rodrygo na Kalim Benzema 90+1.
Porto Fc 1-0 Milan Ac
Ajax 4-0 Borussia Dortmund
Inter Milan 3-1 Sheriff Fc
