Ibitego bitatu bya Liverpool byatsinzwe na Ibrahima Konate, Sadio Mane na Luis Diaz, kuri kimwe cya Benfica cyatsinzwe na Darwin Nunez nibyo byatumye abasore ba Jurgen Klopp babona intsinzi mu mukino ubanza.
Uhereye mu mwaka w'imikino wa 2017-2018, Sadio Mane cyari igitego cya 13 atsinze mu mikino ya UEFA Champions league mu kiciro cyo gukuranamo(Knock out stage), aho yanganyije na Cristiano Ronaldo nawe watsinze ibyo bitego aho aribo bayoboye.
Sadio Mane yatsindiye Liverpool igitego(Image:Getty)
Avuga kuri icyo gitego, Sadio Mane yabwiye BT Sport ati:"Nk'uko mbivuga buri gihe, gutsinda nicyo cy'ingenzi cyane. Ndishimye kuba natsinze igitego ariko nishimye kurushaho ko ikipe yatsinze ibitego bitatu ndetse twiteguye umukino ukurikira."
Sadio Mane kandi yabajijwe ku mpinduka umutoza akwiye gukora ku mukino bafitanye na Manchester City ku cyumweru, yagize ati:"Mukwiye kubaza umutoza! Turi Liverpool, dufite abakinnyi benshi. "
