Nubwo uru rubuga rusanzwe rucuruza amashusho yerekana ubwambure, ruzakomeza nubundi kwakira abafatabuguzi bashya. BBC yanditse ko uru rubuga rwasanze hari abashyizeho amashusho y’abana kandi bikaba bitemewe mu mategeko agenga kurushyiraho amashusho. Intandaro yo kuyasiba byatewe nuko hari abafatanyabikorwa barimo ibigo by’imari bifuje ko ayo mashusho yakurwaho. Kuva hakwaduka icyorezo cya Covid-19 abiyandikisha (users and subscribers) bariyongereye bagera kuri miliyoni 130.
Ubuyobozi bw’uru rubuga bwasobanuye ko hari amabwiriza aba agomba gukurikizwa mu kurengera abafana n’abakiliya b’urubuga.
Ubundi abakoresha uru rubuga bashyiraho amashusho n’amafoto yerekana ubwambure bityo bakayasangira n’ababa barishyuye ifatabuguzi rya buri kwezi. Urubuga rufata 20% y’ayinjiye andi agahabwa nyiri amashusho.
Imikorere ya OnlyFans
OnlyFans yatangijwe mu 2016. Umushoramari w’umwongereza Tim Stokely ni we warutangije agamije guha abantu bifuza gusangiza amashusho y’urukozasoni rugari. Birabujijwe gushyiraho amafoto/amashusho y’umwana uri mu nsi y’imyaka 18. Mu kwezi kwa gatandatu uyu mwaka nibwo Komisiyo ishinzwe kurengera uburenganzira bw’abana mu Bwongereza yavumbuye ko hari amashusho y’abana ari gucururizwaho kandi bitemewe. Yahise ifunga inkuta (accounts) 15 zashyiragaho amashusho y’abana.
UKo abakoresha OnlyFans binjiza
OnlyFans ishobora gukoreshwa na buri wese. Abanditsi,abasizi, abahanga mu kuvuga, abahanzi n’abandi bose. Ariko usanga abenshi baruyobotse ari abakina porunogarafi. Kwemererwa kugiraho umwanya (account) bisaba kwiyandikisha ukishyura guhera kuri $4.99 ku kwezi kugeza kuri $49.99 bitewe n’amahitamo yawe. Uwiyandikishije kujya akurikirana ibikorwa byawe na we asabwa kwishyura $5. Uko ugira abagukurikira cyane bijyana n’ingano yayo uzasarura. Dufate urugero niba ufite abakunda ibyawe 1000. Buri wese yishyuye $5. Ubwo ni $5000. OnlyFans izatwara 20% usigarane 80% by’ayo winjije. Miss Bella wiyita Monica Huldt kuri urwo rubuga ni we uyora akayabo. Yiyandikishije atanze $6.50. ubu afite abamukurikira 1100. Ku mwaka yinjiza $100,000 kuri urwo rubuga. Mu manyarwanda ni miliyoni 100Frws. Uyu mukobwa kuko azi icyo ashaka akoresha imbaraga zose agashyiraho amashusho buri munsi. Yabwiye Business insider ati:’’nta we nagira inama yo kujya ashyira amashusho rimwe na rimwe, nta musaruro yabona, aka ni akazi ka buri munsi”.
Urubuga rwabereye inzira y’ubutunzi ku bashize isoni
Hari imibare yerekana ko OnlyFans imaze kwishyura miliyali $2 abashyiraho amashusho. Bella Thorne yigeze kwinjiza miliyoni $1 mu masaha 24 akigera kuri urwo rubuga.
Uyu munyamideri, umuhanzi yafunguye urukuta kuri OnlyFans yinjiza aruta abo yari asanzeho bamaze imyaka. Muri Kamena 2020 nibwo yatangiye kurukoresha yahise akorera iyo miliyoni mu masaha 24. Yiyemeje kongera ayo yishyuraga y’ifatabuguzi ayageza kuri $20 ya buri kwezi. Nyuma yaje kwinjiza miliyoni $2. Yigeze gucuruza ifoto imwe yambaye ubusa (naked) kuri $200 kuriyeba gusa. Benshi mu bafiteho urukuta (account) nibura binjiza $145 ya buri kwezi mu gihe badakora cyane. Icyokora 10% ry’abashyiraho ibikunzwe bihariye 73% yinjira yose.
Benshi bariyandikisha buri saha
Nibura ku munsi kuri OnlyFans yakira abantu 500,000. Mu kwezi hakiyongeraho miliyoni 15. Bwana Tim Stokley mu 2019 yigeze kuvugira muri Australia ko buri saha bakira abantu 1,000 biyandikisha bashya. Bivugwa ko uru rubuga rufite abarenga miliyoni 50 bafashe ifatabuguzi.
Ifoto ya Shaddyboo igeze kuri $50
Uwimbabazi Shadia uzwi nka Shaddyboo na we ari mu bakoresha uru rubuga. Nibura kureba amafoto, amashusho ye bisaba kwishyura $50 ariko ukaba urengeje imyaka 18. Mu gihe wishyuye amezi atatu icyarimwe usabwa $75 ukabasha kwihera ijisho uburanga bw’uyu mubyeyi w’abana babiri.
Undi munyarwandakazi uzwi cyane mu bakoresha urubuga rwa OnlyFans ni uwitwa Isimbi Noelline we akunze gushyiraho amashusho y’urukozasoni ndetse aranabyiyemerera ko akina pornographie.
