N'ibirenge bye birabagirana nka diyama.
Ku wa Kane, Rihanna wakunzwe mu ndirimbo nka Diamond, yerekanye akandi gashya kuri TikTok, ashyira ahagaragara amashusho ye agenda yambaye inkweto ndende cyane n'impeta nini ya diyama ifite igiciro gihambaye.
Rihanna azwiho kuba ikitegererezo mu isi y'imyambarire
Muri aya mashusho, uy’u muririmbyi wakunzwe mu ndirimbo nka “Umbrella” yanditseho ati: "Irahenze”.
Ku ino rya gatatu rw'ikirenge cye cy'ibumoso, Rihanna yagaragaye yambaye impeta ya diyama, yo umuhanga mu by'imikufi, Maxwell Stone wo muri Steven Stone Jewelers yabwiye Page Six ko ifite agaciro ka miliyoni imwe y'amadolari. Ni ukuvuga arenga miliyari imwe y’amanyarwanda.
Impeta Rihanna yambaye ku mano yavugishije benshi
Abafana benshi bakunze ibi bihe bidasanzwe, nk'aho umukinnyi wa firime ,Christa Allen, yagize ati: “Kandi kuri uyu munsi, impinduramatwara mu mpeta z'amano yatangiye.”
Abandi bibajije niba ubu ari uburyo bwo kwerekana impeta y’isezerano, nk'uwanditse ati: "Iri ni itangazo ryo kutumenyesha ko yasezeranye?"
Rihanna aritegura kwibaruka umwana wa kabiri
Niba koko ari impeta y’isezerano Rihanna yambitswe n’umugabo we A$AP Rocky, uretse agashya ko kuba ihenze bihebuje, yanakoze agashya ko kuyambara ku mano.
