Kanye West yisanze mu manza, kuko abahoze bakorana na we ubucuruzi muri The Gap, bamurega miliyoni 2 z'amadolari. Uru rubanza rwatangijwe na Art City Centre, rurega The Gap Inc. kutubahiriza amasezerano, nkuko RadarOnline.com ibitangaza.
Kanye West araregwa n'abo yahoze akorana na bo
Art City Centre, isosiyete y’ubucuruzi ifite inyubako ku Muhanda wa 6 i Los Angeles, ivuga ko Gap bagiranye amasezerano y’ubukode bw’umwaka umwe guhera ku ya 1 Mata 2021, kugeza ku ya 31 Werurwe 2022. Ubukode bwongerewe muri 2022.
Nk’uko bigaragara mu kirego, The Gap yemeye kwishyura buri kwezi ubukode bw’amadolari 104,666.67 n’inyongera y’amadorari 8,333 buri kwezi yo kwishyura parikingi. Amasezerano yabuzaga mu buryo bweruye, guhindura ikintu na kimwe ku nyubako nta burenganzira.
Icyakora, Art City Centre ivuga ko Gap cyahinduye byinshi bitemewe kuri iyo nyubako, ikangirika ku buryo itasubizwa uko yahoze.
Kanye West arasabwa kwishyura miliyoni ebyiri z'amadorari
Kugeza muri Nzeri 2022, Art City Centre ivuga ko yagombaga kwishyurwa amadolari 822, 000 yo kwishyura ibyangiritse. Ikindi kandi, barasaba izindi ndishyi, bityo yose hamwe akaba agera kuri miliyoni 1.5.
Iki kirego cyatanzwe mu gihe kimwe n'icyo Kanye West yahagarikagamo ubufatanye na The Gap, avuga ko iyi sosiyete itubahirije inshingano zayo. Mu gusubiza ikirego cyatanzwe na Art City Centre, The Gap yahakanye ibirego byose.
Icyakora The Gap bahise biyemeza guhangana na Kanye West ku giti cye, bemeza ko bafatanije na we muri Kamena 2022, mu rwego rwo guhanga imyambaro mishya. Isosiyete ivuga ko Kanye yagize icyo ahindura ku nyubako atabanje kubiherwa uruhushya, ndetse bitubahirije n'amasezerano bagiranye.
The Gap irega Kanye West kuba ari we watumye barenga ku masezerano bari bemeyeranyijeho na Art City Center
Izi mpinduka yakoze kuri iyi nyubako, byasabaga ko zikurwaho ndetse hakongera hagasanwa, bityo Gap ikaba isaba miliyoni ebyiri z'amadolari y'indishyi z'akababaro, izisaba Kanye West.
Kugeza ubu, Kanye West ntarasubiza kuri iki kirego. Ibizava mu rubanza bizagira ingaruka ku bukungu ku mpande zombi zabigizemo uruhare, ndetse no kwirengera izindi ngaruka zirimo no z’umubano wabo.
