Mu mpera z'icyumweru gishize nibwo ikipe ya PSG yatsinzwe na Nice mu mukino wa shampiyona, ndetse umunya-Argentine Lionel Messi asoza umukino wose nta shoti na rimwe ateye rigana mu izamu.
Igihe ibi byaherukaga kuba kuri uyu mugabo w'imyaka 34 agasoza umukino wa shampiyona nta shoti rigana mu izamu ateye, ni mu 2009-2010, imyaka 12 ikaba yari yirenze bitarongera kumubaho.
Gusa mu marushanwa yose muri rusanze igihe Lionel Messi aheruka gusoza umukino nta shoti rigana mu izamu ateye, byari umukino w'igikombe cya Copa del Rey muri kimwe cya kabiri, aho bakinaga na mukeba wayo Real Madrid.
Ibi bibaye mu gihe Lionel Messi atarigaragaza muri shampiyona ya Ligue1 nk'uko yari yitezwe ajyayo avuye muri PSG. Messi amaze gutsinda ibitego bibiri gusa muri shampiyona y'abafaransa n'ubwo afite ibitego birindwi mu marushanwa yose, kuko yatsinze ibitego bitanu muri champions league.
Lionel Messi ni umwe mu bitezweho gufasha PSG cyane cyane mu mikino ya UEFA champions league, dore ko no kuri uyu wa gatatu iyi kipe irakina na Real Madrid umukino wo kwishyura i Santiago Bernabeu.
Uyu mukino byarangiye PSG iwutsinzwe igitego kimwe ku busa cyatsinzwe na Andy Delort wari winjiye mu kibuga asimbuye ku ruhande rw'ikipe ya Nice.
PSG iracyayoboye urutonde rwa shampiyona aho ifite amanota 62 mu mikino 27 imaze gukinwa, ndetse PSG irusha Nice amanota 13 ikaba ariyo iri ku mwanya wa kabiri aho ifite amanota 49.
Lionel Messi yasubiyemo amateka mabi yaherukaga mu myaka 12 ishize(Image:Getty images)
Ibi byaherukaga FC Barcelona ikina na Real Madrid(Image:Reuters)
