Umuherwe Elon Musk wari ku mwanya wa mbere w'abatunze agatubutse ku Isi, yahigitswe n'Umufaransa Bernard Arnault wibitseho agera kuri miliyari 226 z'amadorali ya America.
Elon Musk nyiri urubuga rwa Twitter wari uyoboye abatunze agatubutse kurusha abandi ku isi, ku rutonde rwakozwe n'ikinyamakuru Forbes, yisanze ku mwanya wa kabiri nyuma y'umushoramari Bernard Arnault, nyiri uruganda rwa LVMH Moët Hennessy Louis Vuitton.
Uru rutonde kandi ruriho abandi baherwe nka Jeff Bezos uri ku mwanya wa Gatatu, Larry Ellison na Bill Gates uri ku mwanya wa Gatanu.
Mu ntangiriro z'iki cyumweru, nibwo abakoresha urubuga rwa Twitter rwa Elon Musk batangiye kujya babona ikirango cya Twitter kirimo imbwa havuyemo inyoni.
Mu rutonde ruheruka rwa Forbes, rwagaragaje ko muri Africa Aliko Dangote ariwe ukiyoboye abandi bantu bose mu gutunga agatubutse umwanya amazeho igihe kirekire.
