Ikipe ya Chelsea yerekeje kuri Myugariro wo hagati wa Leicester City witwa Wesley Fofana usigaje imyaka itanu ku masezerano ye muri iyo kipe.
Chelsea yamaze gusinyisha myugariro w'umunya-Senegal Kalidou Koulibaly wavuye muri Napoli ariko iracyagaragaza ko iri ku isoko ishaka undi myugariro.
Muri Werurwe Fofana nibwo yasinye amasezerano y'imyaka ibiri muri Leicester imyaka ibiri akaba azakomeza kugeza mu 2027.
Nyuma yo gusinyisha Koulibaly, Chelsea yagerageje kuzana Nathaniel Ake wa Manchester City na Jules Kounde wa Sevilla nyuma yo kugenda kwa Antonio Rudiger na Andreas Christensen, ariko bose byarangiye byanze.
Nyuma yo kubura aba bakinnyi nibwo Chelsea yerekeje kuri Wesley Fofana wa Leicester City, nawe ushaka kwigaragaza akareba ko yazahamagarwa mu ikipe y'igihugu y'Ubufaransa izajya mu gikombe cy'isi kizabera muri Qatar.
Raphael Varane, Ibrahima Konate, Jules Kounde, Presnel Kimpembe, William Saliba na Dayot Upamecano, ni bya myugariro bazaba bahanganiye umwanya wa Fofana mu ikipe y'igihugu aho umutoza wayo Didier Deschamps azareba abahagaze neza.
Chelsea irifuza myugariro Wesley Fofana wa Leicester City(Image:90Min)
