Biteganyijwe ko umukino ubanza mu ijonjora rya mbere rya CAF Champions League uzaba tariki 18 Kanama 2023, akaba aribwo biteganyijwe ko ikipe ya APR FC izaba yakiriwe n'ikipe ya Gaadiidka FC yo muri Somalia yatomboye.
Inkuru dukesha Igihe iravuga ko iyi kipe yo muri Somalia yamaze kwandikira ishyirahamwe ry'umupira w'amaguru mu Rwanda, FERWAFA, isaba ko uyu mukino yazawakirira mu Rwanda aho kuba iwabo muri Somalia.
Ubu busabe iyi kipe yabutanze Gaadiidka FC yabutanze ahanini bishingiye ku mutekano muke umaze igihe kitari gito mu gihugu cya Somalia, ihitamo kuba imikino yombi yazabera mu Rwanda.
N'ubwo iyi kipe yasabye ko uyu mukino yazawakirira i Kigali ariko, mu gihe FERWAFA yakwemera ubu busabe, uyu mukino wakinirwa i Huye kuko ubu muri Kigali nta stade ihari yemerewe kwakira imikino ya CAF.
Gaadiidka FC ishaka kwakirira APR FC mu Rwanda(Net-photo)
