Bruno Fernandes yakoze impanuka Imana ikinga ukuboko

Bruno Fernandes yakoze impanuka Imana ikinga ukuboko

 Apr 18, 2022 - 10:52

Umunya-Portugal ukinira Manchester United Bruno Fernandes yakoze impanuka kuri uyu wa mbere, ariko ku bw'amahirwe yahavuye ari muzima atanakomeretse.

Mu gitondo cyo kuri uyu wa mbere nibwo Bruno Fernandes yakoze impanuka ubwo yari mu modoka ye ya Porsche Panamera ku bw'amahirwe ntiyagira ikibazo, ndetse amakuru avuga ko n'abandi bari kumwe muri iyo modoka ntawakomeretse.

Uyu mugabo w'imyaka 27 yagaragaye ku mafoto ahagaze aho iyo mpanuka yabereye imbere y'imodoka ye ihagaze ibihumbi 94 by'amapawundi, hirya hari imodoka ya Volkswagen bagonganye.

Bruno Fernandes aracyari mu bakinnyi ba Manchester United bari kwitegura umukino bafitanye na Liverpool kuri uyu wa kabiri, dore ko ubwo baheruka gukina batsinzwe ibitego bitanu ku busa bari Old Trafford.

Fernandes kandi nk'ibisanzwe yabanje mu kibuga mu mukino Manchester United iheruka gutsinda Norwich ibitego 3-0, ubwo Cristiano Ronaldo yatsindaga ibitego bitatu wenyine.

Fernandes ahagaze imbere y'imodoka ye nyuma y'impanuka(Image:The Mirror)

Imodoka yagonganye n'iya Fernandes(Net-photo)