Ni umukino wo kwishyura hagati y'ikipe y'igihugu Amavubi n'iya Mali z'abatarengeje imyaka 23, ukaba wabaye nyuma y'umukino wabereye i Huye ku wa Gatandatu tariki 22 Ugushyingo 2022 aho amakipe yombi yanganyije igitego kimwe kuri kimwe.
Kuri uyu wa Gatandatu umukino wabereye kuri sitade yitiriwe tariki 06 Werurwe iherereye mu majyepfo y'umujyi wa Bamako muri Mali.
Abakinnyi 11 ba Mali babanje mu kibuga
Kuri uyu munsi abakinnyi b'Amavubi bagiye mu kibuga gahunda ari gutsinda Mali bakagera mu kiciro cya gatatu aho ikipe y'igihugu ya Burkina Faso yari ibategereje, mu nzira igana mu gikombe cy'Afurika cy'abatarengeje imyaka 23 kizabera muri Maroc mu 2023.
Abakinnyi 11 Amavubi yabanje mu kibuga
Abasore bari bayobowe na Yves Rwasamanzi bakinanye ishyaka barwana no kwimana u Rwanda, ariko biba kwakundi bavuga ngo uburiye umubyizi mu kwe ntako aba atagize.
Ikipe y'igihugu ya Mali yabonye igitego ku munota wa 41 gitsinzwe na Kalifa Traoré usanzwe akinira ikipe ya Les Herbiers VF yo mu Bufaransa, igitego yatsinze nyuma yo guhererekanya umupira neza bakanyura mu bwugarizi bw'Amavubi.
Iki gitego nicyo cyatumye Mali iyobora umukino urinda urangira ari igitego kimwe ku busa. Iki gitego cyaje kiyongera ku cyo Diomande yatsindiye i Huye bihita biba bibiri kuri kimwe Amavubi yabonye mu mukino ubanza nacyo kitsinzwe na Fady Sidiki Coulibaly.
Mu kiciro cya gatatu cy'ijonjora ikipe y'igihugu ya Mali izakina na Burkina Faso, ikipe izakomeza niyo izajya mu gikombe cy'Afurika cy'abatarengeje imyaka 23 kizabera muri Maroc mu 2023.
Mali-U23 yasezereye u Rwanda-23
