Myugariro wa Juventus Leonardo Bonucci yaburiye Cristiano Ronaldo ko nibahura Ronaldo azaba wa mwana urira nyina ntiyumve

Myugariro wa Juventus Leonardo Bonucci yaburiye Cristiano Ronaldo ko nibahura Ronaldo azaba wa mwana urira nyina ntiyumve

 Dec 26, 2021 - 16:08

Leonardo Bonucci yaburiye Cristiano Ronaldo mu gihe ibihugu byabo bifite amahirwe menshi yo guhura mu mikino ya kamarampaka ngo bajye mu gikombe cy'isi.

Umutariyani witwa Leonardo Bonucci yahaye ubutumwa Cristiano Ronaldo ko ashobora kuzahababarira ubwo ibihugu byabo bizaba bihuye mu mikino yo gushaka itike yo kujya mu gikombe cy'isi kizabera muri Qatar mu 2022.

Ubutariyani na Portugal bafite amahirwe menshi yo gutsinda imikino yabo ya mbere mu mikino ya kamarampaka mu nzira yo gushaka itike y'igikombe cy'isi ndetse bose nibatsinda bazahita bahura.

Bitewe n'uko imikino ya kamarampaka iteye, ntago bishoboka ko Portugal n'Abatariyani bose bajya mu gikombe cy'isi kuko nibatsinda imikino bafite bazahita bahura bakishakamo ikipe ikomeza.

 Bonucci na Cristiano bakinanye imyaka igera kuri itatu mu ikipe ya Juventus mbere y'uko Cristiano agaruka muri Manchester United mu mpeshyi ishize.

Iyi kipe iri mu gihe cyo kwivugurura byabaye ngombwa ko irekura uyu munya-Portugal ariko ntibyashimishije abakunzi bayo benshi.

Uyu munyabigwi wa Manchester United na Real Madrid hari amahirwe menshi ko yaba agiye guhura na Leonardo Bonucci ndetse Bonucci yavuze ibyo yiteze muri uwo mukino.

Ubwo Bonucci yaganiraga na Rai sport yagize ati:"Numvise Cristiano Ronaldo ndetse tunatebya ku mukino ushobora kubaho hagati y'Ubutariyani na Portugal, tuzareba ibizaba mu kibuga gusa Cristiano arabizi ko azahababarira.

"Tugomba gushyira umutima ku byo tuzakora mu kibuga, muri Werurwe tuzongera duhure kandi nizeye ko tuzakina imikino ibiri myiza."

Cristiano Ronaldo yafashije Juventus gutwara Serie A mu myaka ye ibiri ya mbere muri iyi kipe, mbere y'uko ayivamo mu mwaka wa gatatu utaragenze neza.

Izindi nkuru wasoma:

"Cristiano Ronaldo yangije umwimerere wa Juventus"-Gigi Buffon yibasiye Ronaldo ku buryo bukomeye

Wa mukinnyi ukize kurenza umuherwe wa Arsenal n'uwa Chelsea yabonye ikipe nshya

Umunsi w'impano wahiriye APR FC itanga impano ku bafana bayo

Inkuru ibabaje:Kuri Noheli umukinnyi yaguye mu kibuga arapfa nyuma y'icyumweru kimwe akoze ubukwe

Gusa Cristiano Ronaldo ntiyageze ku ntego yari yatumye azanwa muri iyi kipe kuko atabafashije gutwara UEFA champions league nk'ibyo bari bamwitezeho ahubwo bakagira ibibazo by'ubukungu kubera amafaranga yahembwaga.

Ikindi kandi Cristiano Ronaldo yagiye ashinjwa kuba yaratumye Juventus iba ikipe igendera ku muntu umwe mu gihe yari isanzwe ari ikipe ikorera hamwe ikagera ku musaruro utubutse.

Undi munyabigwi wa Juventus witwa Gianluigi Buffon niwe uherutse gutangaza ko Cristiano Ronaldo yangije umwimerere wa Juventus kuko akihagera batangiye kugendera ku muntu umwe aho kuba ikipe.

Abataliyani bashobora guhura na Portugal(Image:The guardian)

Portugal n'Ubutariyani umwe azajya mu gikombe cy'isi cyangwa bose basigare(Image:90Min)

Bonucci yakinanye na Cristiano muri Juventus(Image:Man.Utd core)