Mu gihe amasezerano ya Paul Pogba muri Manchester United ari kugana ku musozo, bivugwa ko uyu mugabo yifuzwa n'amakipe arimo PSG, Real Madrid na Juventus yavuyemo agaruka muri Manchester United.
N'ubwo ayo makipe atatu ariyo avugwa cyane, ikinyamakuru Sky sports cyo gitangaza ko hari n'andi makipe abiri atavuzwe amazina yo muri Premier league yifuza gusinyisha uyu mufaransa w'imyaka 29.
Paul Pogba aherutse kugaruka mu kibuga nyuma y'imvune yari yagize mu mwaka ushize, akaba amaze gukinira Manchester United imikino 23 mu marushanwa yose muri uyu mwaka w'imikino, ayitsindira igitego kimwe.
Uyu mugabo yagarutse muri Manchester United mu 2016 ashyizeho agahigo k'umukinnyi uguzwe amafaranga menshi ku isi aho yaguzwe miliyoni 89 z'amapawundi, ariko bigaragara ko agiye kugenda nta na make ikipe imugurishije.
Kuva yagaruka muri iyi kipe ibikombe yabashije gutwara ni Europa league, League cup na Community shield, byose akaba yarabitwaye mu mwaka wa mbere aho iyi kipe yatozwaga na Jose Mourinho.
Paul Pogba ari mu mpera z'amasezerano ye(Net-photo)
