Abantu 11 barimo abapolisi bapfiriye mu gitaramo cya Fally  Ipupa

Abantu 11 barimo abapolisi bapfiriye mu gitaramo cya Fally Ipupa

 Oct 31, 2022 - 09:16

Muri Rebulica iharanira demokarasi ya Congo harimo kuvugwa inkuru y’urupfu rw’abantu 11 baguye mu gitaramo cy’umuhanzi Fall Ipupa uri mu bakomeye muri Africa.

Kuwa Gatandatu tariki 29 Ukwakira 2022 muri RDC Congo muri stade nk’uru y’igihugu Kinshasa Stadium habereye igitaramo cyari cyitabiriwe n’abantu basaga ibihumbi 120.

Iki gitaramo cyari cyateguwe n’ikipe ngari y’umuhanzi Fally Ipupa dore ko ari nawe muhanzi wenyine wari uri muri iki gitaramo.

Iki gitaramo cyaritabiriwe ku buryo bukabije dore ko stade isanzwe ijyamo abantu ibihumbi 100 yari irimo ibihumbi 120. Ibi byatumye hagwamo abantu 11 nk’uko tubikesha ikinyamakuru Reuters.

Iyi state ubusanzwe ifite imyanya ibihumbi 80, ikagira ibihumbi 20 by’imyanya itarimo ibyicaro [Mu kibuga].

Nk’uko tubikesha iki kinyamakuru, aba bantu cumi numwe baguye muri iki gitaramo byatumye bashinza uburangare abagiteguye bakareberera abantu ibihumbi 20 bakinjira badafite imyanya yo guhagararamo cyangwa kwicaramo kuko imyanya yose hamwe haba ibyicaro no mu kibuga ni ibihumbi 100.

Reuters yavuze ko aba bantu binyongera bahise bajya guhagarara mu myanya isanzwe ari iy’icyubahoro kandi yari yuzuye byatumye abantu babura ubuhumekero ubwo Fally Ipupa yatangiraga gutarama.

Aba bantu baguye muri iki gitaramo barimo abapolisi babiri bari bashinzwe umutekano bapfiriye mu muvundo ubwo bageragezaga kutera ibyuka biryana mu maso abafana ngo babashyire ku murongo.

Minisitiri w’umutekano wa Kinshasa yavuze ko bifatanyije n’imiryango yababuze ababo ndetse ko abateguye iki gitaramo bagomba guhanwa.

Fally Ipupa w’imyaka 42 ni umwe mu bahanzi bafite igikundiro ku Isi dore ko ahantu agiye gukorera ibitaramo akenshi iyo hatabayeho kwitwararika hakunze kuva inkomere kubera ubucucike.

Fally Ipupa yeretswe urukundo n'abafana.

Igitaramo cya Fally Ipupa kitabiriwe cyane uhereye ku yonka kugeza ku basheshe akanguhe.