Umuryango wuyu muraperi Kiernan Jarryd Forbes wamenyekanye ku mazina ya AKA, niwo watangaje ko yishwe arashwe mu ijoro ryo kuri uyu wa Gatanu tariki ya 10 Gashyantare 2023.
Itangazo rya police ya Afurika y'Epfo,ryavuze ko abagabo babiri bitwaje imbunda binjiye aho barira (Restaurant) bakarasa abantu babiri,umwe w'imyaka 35 ndetse n'uyu muhanzi.
Umuvugizi wa Police mu ntara ya Kwa Zulu-Natal Robert Netshiunda, yatangarije news24 ko abagabo babiri batazwi barashe umuraperi AKA, ku muhanda Florida mu gace ka Durban mu masaha ya nyuma ya saa 22h00 y'ijoro.
Umuraperi AKA warashwe
Magingo aya, police iracyakora iperereza kugira ngo itangaze impamvu uyu muhanzi yarashwe.
AKA yamenyekanye mu ndirimbo nka 'All Eyes on Me' yafatanyije na Burna Boy,ndetse niyo yise 'Paradise'.
AKA yavukiye Cape Town muri Afurika y'Epfo ku wa 28 Mutarama 1988.
Yatangiye kumenyekana cyane mu mwaka wa 2010 ubwo yasohoraga Album yise 'Victory Lap'.
