Mu ijoro ryakeye Lionel Messi yakinnye umukino wa mbere mu ikipe ye nshya ya Inter Miami, ubwo iyi kipe yakinaga na Cruz Azul muri League Cup, ndetse ayifasha kubona intsinzi kuber aigitego yatsinze ku munota wa 94.
Mu gihe uyu munya-Argentine yakomeza gutya mu ikipe ya Inter Miami, hadi uduhigo dutandatu ashobora kuba yakuraho muri shampiyona ya Ltea zunze ubumwe za America izwi nka Major League Soccer.
Rutahizamu w'ibihe byose muri shampiyona
Aka ni agahigo gafitwe n'umunyamerika witwa Chris Wondolowski wakiniye amakipe nka Houston Dynamo ndetse na San Jose Earthquake ari nayo yatinzemo cyane kuko yayigezemo mu mwaka wa 2009, akayisohokamo mu 2021.
Wondlowski ugioze imyaka 40 kuri ubu akaba yaranahagaritse gukina umupira w'amaguru nk'uwabigize umwuga, yatsinze ibitego 171 muri iyi shampiyona ya MLS, bivuze ko Messi asabwa gutsinda ibitego 172 niba ashaka gukuraho aka gahigo.
Umukinnyi watsinze ibitego byinshi mu mwaka umwe
Aka ni agahigo gafitwe n'umusore ukomoka muri Mexico witwa Carlos Vela, umukinnyi wakiniye amakipe azwi nka Arsenal, Real Sociedad yo muri Espagne n'izindi.
Uyu musore w'imyaka 34 ukinira ikipe ya Los Angeles FC, mu mwaka 2019 yatsinze ibitego 34 muri shampiyona ahita ashyiraho aka gahigo. Bivuze ko aka nako Lionel Messi asabwa gutsinda ibitego 35 muri shampiyona akabona kugakuraho.
Umukinnyi watsinze ibitego byinshi kuri kufula
Aka gahigo muri shampiyona ya MLS gafitwe n'umutariyani witwa Sebastian Giovinco, akaba yarakinnye muri iyi shampiyona hagati ya 2015 na 2019 ubwo yakinaga mu ikipe ya Toronto FC.
Uyu mugabo w'imyaka 36 ukinira ikipe ya Sampdoria kuri ubu, yatsinze ibitego 13 byavuye kuri kufura muri MLS, bivuze ko Messi asabwa 14 niba ashaka gukuraho aka gahigo.
Umukinnyi watanze imipira myinshi yavuyemo ibitego(Assists)
Aka gahigo nako gafitwe n'umunyamerika witwa Landon Timothy Donovan, akaba yaratanze imipira 1346 yavuyemo ibitego mu mikino yakinnye muri iyi shampiyona.
Umukinnyi watanze imipira myinshi yavuyemo ibitego mu mwaka umwe
Aka gahigo gafitwe n'umunya-Colombia witwa Carlos Valderrama. Uyu mugabo w'imyaka 61, mu mwaka wa 2000 yatanze imipira 26 yavuyemo ibitego, nako akaba ari akandi gahigo Lionel Messi ashobora guhangana nako.
Umukinnyi watsindiye Inter Miami ibitego byinshi mu mateka yayo
Aka gahigo ko gafitwe n'umukinnyi wanakinanye na Lionel Messi mu ikipe y'igihugu ya Argentine ariwe Gonzalo Huguian. Uyu mugabo wakiniye Inter Miami kuva mu 2020 kugeza mu 2022, yayitsindiye ibitego 29 mu mikino 69 yayikiniye. Aha Messi arasabwa ibitego 30 agakuraho aka gahigo gafitwe na mugenzi we.
Tariki 26 Nyakanga 2023, Lionel Messi na bagenzi be bazagaruka mu kibuga bakina n'ikipe ya Atlanta United muri League Cup.
Messi azakina umukino wa mbere muri shampiyona tariki 21 Kanama 2023 ubwo Inter Miami izaba yakiriye Charlotte, akaba aribwo azatangira guhangana n'utu duhigo asanze muri shampiyona ya MLS.
Messi yatangiye ahesha intsinzi ikipe ye nshya
