Ahagana i saa saba z'ijoro kuri uyu wa 21 Ukwakira 2023, nibwo imirwano yongeye kubura mu burasirazuba bwa Repubulila Iharanira Demokarasi ya Congo hagati y'umutwe wa M23 na n'ingabo za Leta FARDC muri Teritwari ya Masisi.
Iyi mirwano ikaba yubuye nyuma y'iminsi igera kuri itanu y'agahenge. Amakuru aturuka ku mbuga y'urugamba, aremeza ko imirwano yatangiriye mu gace ka Mugihongo muri Teritwari ya Masisi mu Ntara ya Kivu y'Amajyaruguru.
Perezida w'umutwe wa M23 Bertrand Bisimwa, akaba yatanze impuruza avuga ko ingabo za Leta ziri kumwe n'imitwe bafatanya irimo FDLR, Wazalendo,.... ko ari bo babatangije ho intambara ndetse avuga ko izi ngabo ziraye mu nkambi z'impunzi zari zahunze imirwano mu Cyumweru cyashize.
Mu gihe Bisimwa avuga ko FARDC yatatse inkambi y'impunzi, Lawrence Kanyuka uvugira umutwe wa M23, yavuze ko uyu mutwe ugomba kurinda izi nkambi ku kiguzi cyose byasaba. Ari nako magingo aya imirwano ikomeje aho imbunda ntoya n'inini zikomeje kumvikana aho i Masisi.
