Umwe mu ba-agent bo mu Burusia atangaza ko mu gihe Roman Abramovich yaba amaze kuva muri Chelsea neza ashobora guhita afata ikipe ya CSKA Moscow y'iwabo mu Burusiya.
Abramovich yafatiwe ibihano na leta y'Ubwongereza nyuma y'uko igihugu cye cya Russia giteye Ukraine, ndetse akaba azwi nk'umwe mu nshuti za hafi za perezida Vladimir Putin.
Mu gihe bigaragara ko Abramovich ari kurekura iyi kipe yafashe mu 2003, Timur Gurtskaya we yizera ko uyu mugabo w'imyaka 55 ashobora guhita agura ikipe ya CSKA Moscow ubundi ibintu bikagenda neza.
Ubwo Gurtskaya yaganiraga na shene ya Youtube yitwa Vyshli, yagize ati:"Icyemezo cyirimo unwenge cyane kuri we, ni kugura CSKA Moscow yahoze hafi cyane.
"Anafitanye umubano mwiza cyane na nyirayo ubungubu. Si nkeka ko hari andi makipe.
"Ibiri kuba kuri Chelsea biteye isoni. Abramovich yafashe iriya kipe imyaka myinshi, ariko ubu niwe bose bashaka."
Nyuma y'uko imitungo ya Roman Abramovich mu Bwongereza ifatiriwe, ikipe ya Chelsea yashyiriweho amabwiriza ayibuza gukora ibikorwa by'ubucuruzi. Aha ikipe ntiyenerewe kugurisha amatike, abasanzwe baraguze amatike y'umwaka nibo bitabira imikino gusa.
Ikipe kandi ntiyemerewe kugura abakinnyi bashya cyangwa ngo igurishe abo ifite cayngwa ngo yongere amasezerano, mu gihe nta kirahinduka.
Chelsea yashyiriweho amabwiriza adasanzwe(Net-photo)
