Police yo mu gace ka Surrey mu Bwongereza yemeje ko hari umugabo w'imyaka 31 uturuka mu gace ka Hampshire wafashwe akaba akurikiranweho ku kuba umwe mu bajura binjiye mu nzu ya James Reece ukina inyuma ku ruhande rw'iburyo mu ikipe ya Chelsea.
Mu mwaka ushize nibwo uyu myugariro w'umwongereza yerekanye amashusho ya CCTV Camera abagabo bane binjiye mu nzu ye bakamwiba ibirimo imidari yagiye ahabwa mu marushanwa atandukanye.
Reece James w'imyaka 21 yavuze ko itsinda ry'abajura binjiye mu nzu ye bakamwiba isanduku(safe) yarimo imidari irimo uwa UEFA Champions league, Super cup na Euro 2020.
James yagize ati:"Ndizera ko dushyize hamwe dushobora gufata aba bantu tugatanga ubutabera aho bikwiye.
Si uyu mugabo w'imyaka 31 wafashwe gusa, kuko police yatangaje ko yafashe n'abandi bagabo babiri ariko police yanemeje ko abo bandi barekuwe nyuma y'uko bigaragaye ko icyo cyaha kitabahama.
Amasusho y'abajura bari kwinjira mu rugo rwa James Reece(Image:The Sun)
Amashusho y'abajura bari gusohora safe ya James Reec iwe(Image:The Sun)
