Mu isi y’imyidagaduro, umuziki si wo gusa uha abahanzi ubukungu, ahubwo no kubaka ubucuruzi bwagutse ni ingenzi mu gutuma baba mu baherwe. Nk’uko imibare mishya ibigaragaza, abahanzi 10 batunze agatubutse muri 2025.
1. Jay-Z
umuraperi n’umushoramari w’Umunyamerika ufite umutungo ugera kuri $2.5 miliyari asaga tiriyari 3 na miliyari 600 z'amanyarwanda.
Ni ubutunzi akesha umuziki, ibinyobwa bya champagne, imyambaro, ndetse n’ishoramari mu ikoranabuhanga.
2 . Taylor Swift
Afite umutungo ugera kuri miliyari 1.6 y'amadorari angana na tiriyari 2.3 z'amanyarwanda.
Niwe muhanzi wa mbere ku isi wabaye miliyariyeri kubera amafaranga akomoka mu muziki gusa harimo ayavuye mu bitaramo, kugurisha albums no kugurisha indirimbo ze ku mbuga zitandukanye.
3. Rihanna
Afite umutungo ungana na miliyari 1.4 y'amadorari ni ukuvuga agera kuri tiriyari 2 z'amanyarwanda.
Uretse indirimbo ze zakunzwe, icyamugejeje kure ni ubucuruzi bwe bwa Fenty Beauty na Savage X Fenty bwigaruriye isi.
4. Selena Gomez
Afite umutungo ungana na miliyari 1.3 y'amadorari, ni ukuvuga tiriyari 1.9 mu manyarwanda.
Menshi muri yo ayakura muri Rare Beauty, kampani ye ikora ibijyanye n'ubwiza.
5. Andrew Lloyd Webber
Afite umutungo ubarirwa kuri miliyari1.25 y'amadorari agera kuri tiriyari 1.8 mu manyarwanda, ni amafaranga akura mu kwandika indirimbo no gucuranga.
6. Paul McCartney
Uyu yahoze mu itsinda rya The Beatles akaba afite miliyari 1.2 y'amadorari ni ukuvuga agera kuri tiriyari 1.7 y'amanyarwanda
7. Bruce Springsteen
Nyuma yo kugurisha ububiko bw’indirimbo ze (catalog) n’ibitaramo bikomeye, afite umutungo ubarirwa kuri 1.1 y'amadorari agera kuri tiriyari 1.6 y'amanyarwanda.
8. Madonna
Akaba afite umutungo ubarirwa kuri miliyoni 850 z'amadorari ni ukuvuga arenga tiriyari 1.2, mu manyarwanda.
9. Herb Alpert
Nawe afite umutungo ubarirwa kuri miliyoni 850 z'amadorari arenga tiriyari 1.2, mu manyarwanda.
10. Celine Dion
We akaba afite miliyoni 800 z'amadorari ni ukuvuga arenga tiriyari 1.1.
Uru rutonde rugaragaza ko abahanzi bo muri iki gihe batakibarizwa gusa mu muziki, ahubwo banashora gukura amafaranga mu mishinga itandukanye ibafasha gukomeza kuba mu myanya y’imbere mu bafite agatubutse ku isi.
Jay-Z ni we uyoboye abahanzi batunze agatubutse kurusha abandi ku isi
