Hari ku munsi wa 11 muri Shampiyona y’ubwongereza aho amakipe yatanaga mu mitwe.
Manchester Derby ni umukino uhuza Manchester United na Manchester City wari uhanzwe amaso kurusha iyindi I burayi by’umwihariko mu bwongereza.
Ni umukino watangiye ku isaha ya saa 14:30, Manchester United yari yakiriye umukino kuri OT (Old Trafford).
Manchester United yari ifite amanota 17 naho Manchester City yari ifite amanota 20. Cyari ikinyuranyo gito ku buryo uyu mukino wari gusobanura ikipe ishaka gukomeza kwiruka ku gikombe.
Manchester United yari ifite umwuka mwiza kuko yari iherutse gutsindira Tottenham Hotspur iwayo.
Manchester City yari iherutse gutakariza kuri stade yayo yari ifite inyota yo kwikosora.
Ni umukino watangiye amakipe yombi anganya imbaraga mu kibuga.
Ntibyasabye igihe kinini ngo Manchester City itangire guherekanya umupira maze Manchester United irwane no kugarira ndetse no kujya aho umupira ujyiye.
Muri uko gusatira kwa Manchester City byatumye Eric Bailly wari wabanje mu kibuga kuko Raphael Valane adahari yitsinda igitego ku munota wa 7 w'umukino.
Rwari urugendo rutangiye kugorana kuri Cristiano Ronaldo waherukaga gukina uyu mukino mu 2009 na bagenzi be.
Manchester City yakomeje kotsa igitutu mu izamu rya Manchester United ariko David Degea akomeza kwitanga agarura ibitego byabaga byabazwe.
Manchester City yakomeje gusatira ishaka ibindi bitego ariko Imana ikorera muri David De Gea wari waramutse neza agakomeza kugarura imipira.
Ibyiza ntibiramba, akagozi kageze aho karacika Manchester City itsinda ikindi gitego ku munota wa 45 mbere yuko bajya kuruhuka ni igitego cyatsinzwe na Bernardo Silva ku mupira yahawe na João Cancelo.
Igice cya mbere kirangira ari ibitego 2 bya Manchester City ku busa bwa Manchester United.
Igice cya kabiri cyagarutse abantu batekerezako Manchester United igiye kugarukana imbaraga ikishyura ibitego yari yatsinzwe.
Manchester United ntago yigeze ikora icyo abantu bari biteze ngo kuba yakwishyura ibitego yari yatsinzwe ikagaruka mu mukino kuko Pep Guardiola n’abasore be bakomeje kuyotsa igitutu mpaka.
Manchester United yakoze impinduka nyinshi ariko ziyipfira ubusa Mason Greenwood yasimbuwe na Marcus Rashford, Alex Telles asimbura Luke Shaw, Fred asimburwa na Donny Van de beek naho Jadon Sancho asimbura Eric Bailly.
Abo bakinnyi bose ntacyo bahinduye mu mukino kuko umukino warangiye ari Manchester United 0-2 Manchester City.
Ni umukino wabonetsemo amakarita 3, abiri ya Manchester City yahawe João Cancelo 48’ na Bernardo Silva 58’na Manchester United kuri Cristiano Ronaldo 90+1’.
Undi mukino Chelsea Fc yatanaga mu mitwe na Burnely.
Ni umukino Chelsea Fc yahabwaga amahirwe yo gutsinda kugirango ikomeze kuyobora urutonde rwa shampiyona y’abongereza.
Chelsea Fc yatangiye isatira nkuko bisanzwe ihererekanya umupira ubonako ifite intego yo gutsinda ibitego byinshi.
Byayihiriye kuko ku munota wa 33 kai Havertz yafunguye amazamu ku mupira yari ahawe na Reece James.
Chelsea yakomeje gusatira naho Burnely irwana no kugarira ngo idatsindwa byinshi.
Igice cya mbere cyatangiye Chelsea iyoboye umukino ku gitego 1-0 bwa Burnely.
Igice cya kabiri cyagarutse Chelsea igifite imbaraga zo gushaka ibindi bitego ariko
Sean Dyche n’abasore be bagakomeza kwihagararaho bugarira neza.
Kuva ku munota wa 60 abasore ba Burnely batangiye gutinyuka bakina umupira byatangiye kugora Tomas Tuchel n’abasore be.
Ku munota wa 79 Burnely yishyuye igitego yari yatsinzwe cyatsinzwe na Matej Vydra ku mupira yahawe na Jay Rodriquez.
Chelsea Fc yahise yongera gucurika ikibuga ngo yishyure ariko Burnely iyibera ibamba, Burnely yameje kwihagararaho ariko ikora amakosa menshi byatumye ibona amakarita y’imihondo 5 yahawe Ashley Westwood 68’ , maxwel Cornet 76’ , James Tarkowski 84’ na Josh Brownhill. Mu gihe Chelsea yabonye ikarita imwe y’umuhondo kuri Reece James 76’.
Umukino warangiye amakipe yombi anganya 1-1.
Indi mikino yabaye muri Premier League.
Brentford 1-2 Norwich city.
Crystal Palace 2-0 Wolverhampton Wanderers.
Brighton & Hove Albion 1-1 Newcastle United.
Muri Espane naho bari bakomeje.
Fc Barcelona 3-3 Celta de Vigo.
Real Madrid 2-1 Rayo Vallecano.
Deportivo Alaves 2-1 Levante.
Espanyol 2-0 Granada.
