Nyuma y'imyaka itandatu Perezida w'u Bushinwa Xi Jinping atagenderera Leta Zunze Ubumwe z'Amarika, kuri ubu yageze muri iki gihugu, aho yasesekaye i San Francisco mu ijoro ryo kuri uyu wa Kabiri tariki ya 14 Ugushyingo 2023, yakirwa n'Abadipolomate bakuru ba Amerika.
Biteganyijwe ko mu gitondo cyo kuri uyu wa Gatatu Perezida Xi arahura na mugenzi we Biden aho i San Francisco, bakagirana ibiganiro, mbere yuko bose berekeza mu nama y'ubukungu ngarukamwaka ya Asia Pacific Economic Cooperation (APEC)' aho igizwe n'abanyamuryango 21 barimo: Canada, Chile, Hong Kong, China, Indonesia, Japan, Malaysia, Mexico n'ibindi.
Perezida w'u Bushinwa Xi Junping yasesekaye muri USA i San Francisco
Iyi nama ikaba ari ubwa mbere ibaye amaso ku maso nyuma y'igihe Amerika n'u Bushinwa barebanye ay'ingwe mu by'ubukungu ndetse no kutumvikana ku cyorezo cya Covid-19. Perezida Biden akaba yatangaje ko aza kuganira na Xi ku mikoranire y'Ibihugu byombi.
Kuri Biden yemeza ko we na mugenzi we, bagomba kuzahura umubano w'Ibihugu byombi, mu ngeri zose harimo ibya gisirikare ndetse n'iby'ubukungu.
Ibi bihugu bikaba byararebanye iy'ingwe mu bya gisirikare biturutse ku Kirwa cya Taiwan; aho u Bushinwa bwemeza ko ari intara yabo, Amerika nayo ikavuga ko u Bushinwa nibutera iki Kirwa bizaba ari intambara kuri bo bitewe n'amasezerano bafitanye mu bya gisirikare.
Perezida yageze muri Amerika nyuma y'imyaka itandatu
Perezida Xi yemeza ko Taiwan ari intara y'u Bushinwa ndetse ko ibyo kubirengaho ari umurongo utukura ndetse ko hazakoreshwa n'ingufu za gisirikare kugira ngo Taiwan isubire ku Bushinwa bwiyunze. Hagati aho, Xi akaba yaherukaga i Washington DC mu 2017, ubwo yahuraha na Perezida Donald Trump.
Perezida w'u Bushinwa Xi Junping ari muri Amerika
