Urubuga rwa Netflix rwatangaje ko guhera mu mpera za 2024 ubwo filime yo muri Koreya y'Epfo Squid Game yasohokaga, ababakurikira biyongereyeho miliyoni 19 (subscribers).
Kuri uyu wa Kabiri uru rubuga rwatangaje ko umwaka washize bafite ababakurikira barenga miliyoni 300.
Ni mu gihe bateganyaga ko ababakurikira baziyongeraho miliyoni 9.6 hagati y'Ukwakira n'Ukuboza 2024, nyamara bahise baba miliyoni 19 muri ayo mezi.
Bavuze ko uretse iyi filime yazamuye imibare, umukino w'iteramakofe wahuje Jake Paul na Mike Tyson nawo wazamuye imibare cyane, aho warangiye Tyson atsinzwe.
Kuba abantu bariyongereye, bahise bafata umwanzuro ko mu bihugu birimo Amerika, Canada, Argentina na Portugal bagiye kuzamura amafaranga akava ku madolari $15.49 akagera ku madorali $17.99 ku kwezi.
