Ku itariki 17 Kamena 2021 iki kigo cyasohoye imibare y’abantu 400 bakingiwe nyamara bakabasangamo Covid-19. Kuri Twitter y’uyu muyobozi bakomeje kumubaza akamaro ko gukingirwa mu gihe wongera ukandura. Hari uwitwa Gashema Clement wamwandikiye ati:’’ Dr Sabin arakoze kutubwiza ukuri!muri make Urukingo ntacyo rumaze!kuko nimba 400 baranduye kd barikingije?keretse nimba urwo rukingo ari Baringa.’’
Dr Sabin Nsanzimana mu kumusubiza yagize ati:’’Urukingo rugira akamaro: 1. Kurinda kwicwa na COVID19 2. Kurinda kuremba igihe wanduye. Muri aba 400,hari abakingiwe urukingo 1 abandi ebyiri. Nta warembye cg ngo ahitanwe na COVID19. Ariko bashobora kwanduza udakingiye we akaba yamererwa nabi’’
Gusa hari undi wamubajije niba Covid-19 ifite umwihariko wo kubauwayikingiwe yongera kuyandura. Hari uwitwa Leon le Grand wamubajije ati:’’ Nonese Dr.
no ku bindi byorezo niko bigenda? Bibaho ko umuntu yafata urukingo maze nyuma akongera kwandura, cg ni umwihariko wo kuri Covid19 gusa?’’