Imbere y'urukiko umuraperi P.Diddy yari atuje cyane nkuko ibinyamakuru bibigarukaho, aho yongeye guhakana ibyaha bishya aregwa n’ubushinjacyaha birimo ubucuruzi bw’abantu n’ubushukanyi mu bijyanye n’ubusambanyi.
Ubwo yari imbere y'umucamanza Arun Subramanian i Manhattan, New York ku wa 14 Mata 2025, Diddy n'abunganizi be Agnifilo na Teny Geragos, bavuze ko ibyo bashinjwa ari ibinyoma.
Abanyamategeko ba Diddy bagaragaje ko nta bimenyetso bihamye ubushinjacyaha bwagaragaje, bityo bakwiye kuba bigije inyuma urubanza ibyumweru bibiri.
Umucamanza Arun Subramanian yasabye abunganira Diddy kuba bandikiye urukiko bitarenze amasaha 48 basaba ko urubanza rwaba ruhagaritswe.
Ni mu gihe biteganyijwe ko ku wa 18 Mata 2025 ari bwo uru rubanza ruzakomeza.
Ibi biri kuba mu gihe urubanza ruzatangira mu mizi ku wa 05 Gicurasi 2025, ibyanatumye Arun Subramanian asaba abunganira Diddy kureka gutinza urubanza kuko igihe cyageze.
P.Diddy akaba yaratawe muri yombi ku wa 16 Nzeri 2024 afungirwa muri gereza ya Metropolitan Detention Center (MDC) i Brooklyn muri New York aho ategereje kuburana.
Diddy akomeje guhakana ibyo aregwa
