Donald Trump agiye kugarurwa kuri Twitter

Donald Trump agiye kugarurwa kuri Twitter

 Nov 20, 2022 - 02:44

Umuherwe uherutse kugura urubuga rwa Twitter, Elon Musk yakoresheje amatora agamije kugarura Donald Trump kuri uru rubuga.

Umuherwe Elon Musk umaze iminsi mike aguze urubuga rwa Twitter rukoreshwa n’abatari bake ku Isi, agiye kugarura Donald Trump nyuma y’umwaka urenga ahagaritswe.

Umuherwe Elon Musk abinyujije kuri Twitter, yabajije abakoresha uru rubuga niba Perezida wa 45 wa Leta Zunze Ubumwe za America akwiye gukomorerwa, abagera kuri miliyoni 70 muri 134 batora bemeza ko akwiye kugarurwa.

Amatora ku bwiganze bw'amajwi bwa 52 bw'abantu batoye ko Donald Trump agarurwa kuri Twitter.

Donald Trump wabaye Perezida wa 45 wa Leta Zunze Ubumwe z’Amerika yahagaritswe n’uru rubuga kubera amagambo yakoresheje agafatwa nkashishikariza abamushyigikiye kwishora mu rugomo.

Uyu mugabo wayoboye America kandi utajya aripfana, aherutse gutangaza ko muri 2024 aziyamamariza kongera kuyobora iki gihugu agasimbura Joe Biden nawe wamusimbuye amazeho manda imwe.

Elon Musk nawe akunze kugaragaza ko atajya aripfana iyo bibaye ngombwa ndetse aherutse gusaba abakozi be kongera amasaha menshi yo gukora.

Inkuru bifitanye isano.

https://www.thechoicelive.com/elon-musk-akomeje-kuba-biryuwiziritse

https://www.thechoicelive.com/donald-trump-yavuze-ko-azongera-kwiyamamariza-kuyobora-wa-america-umwana-we-amutera-umugongo