Chelsea na Manchester City ziravugwaho kwifuza myugariro w'ikipe ya Inter Milan witwa Alessandro Bastoni uri mu bakinnyi bakiri bato batanga ikizere ku mugabane w'u Burayi.
Uyu musore w'imyaka 24 wanze kwerekeza mu ikipe ya Tottenham Hotspurs mu mwaka ushize w'imikino ubw yari igitozwa n'umutariyani Antonio Conte, kuri ubu Chelsea na Manchester City zongeye kumutekereza nk'uko bitangazwa n'ikinyamakuru Calciomercato.
Bivugwa ko ikipe ya Inter Milan ishobora kuba yaganira n'ikipe yaza yitwaje atari munsi ya miliyoni 60 z'amapawundi, gusa iyi kipe nta gitutu cyo kumugurisha ifite kuko aherutse kongera amasezerano y'imyaka itanu.
Gusa n'ubwo aya makipe yombi avugwa kuri uyu musore bisa nk'aho ikipe ya Chelsea ishobora kwisanga imuriho yonyine, kuko Manchester City iherutse kugura Josjko Gvadiol watwaye asaga miliyoni 90 z'amapawundi.
Bastoni wanze Tottenham ashobora kujya muri Premier League
