Bamporiki Edouard agiye kongera kwitaba Urukiko

Bamporiki Edouard agiye kongera kwitaba Urukiko

 Dec 1, 2022 - 09:56

Itariki yo kuburanisha urubanza rwa Bamporiki Edouard wajuriye yamenyekanye.

Urukiko Rukuru rwatangaje ko tariki 19 Ukuboza 2022 aribwo ruzaburanisha urubanza rwa Bamporiki Edouard  wahoze ari Umunyamabanga wa Leta muri minisiteri y’umuco n’urubyiruko.

Uyu mugabo wakatiwe imyaka ine n’ihazabu ya miliyoni 60 Frw nyuma yo guhamwa n’ibyaha byo gusaba indonke, yagaragaje kutanyurwa birangira ajuriye kuri ibi byaha yahamijwe.

View this post on Instagram

A post shared by The Choice (@thechoice_live)

Kuwa 30 Nzeri 2022 nibwo Bamporiki Eduard wabaye umunyamabanga wa Leta muri Minisiteri y'urubyiruko n'Umuco yakatiwe gufungwa imyaka ine n'ihazabu y'amafaranga miliyoni 60 frw ndetse n'amagarama y'urubanza ibihumbi 20 frw.

Ni nyuma yuko urukiko rumuhamije ibyaha bibiri byo kwihesha ikintu cy'undi hakoreshejwe uburiganya ndetse no gukoresha ububasha ahabwa n'itegeko mu nyungu ze bwite.

Nyuma yo guhamwa n’ibi byaha, yagaragaje kujurira kuko atanyuzwe n’imyanzuro.