Arsene Wenger Wenger yatangaje ko abona ikipe ya Arsenal izatwara Igikombe cya shampiyona, nyuma y'uko iyi kipe isinyishije Declan Rice kuri miliyoni 105 z'amapawundi.
Wwnger w'imyaka 73 afite agahigo mu ikipe ya Arsnela ko kuba ariwe mutoza watoje iyi kipe igihe kinini kurusha abandi, kuko yayigezemo mu 1996 akayivamo mu 2018.
Muri iyo myaka Wenger yabaahije kugira Arsenal imwe mu makipe akomeye mu Bwongereza, ayifasha gutwara Premier League eshatu ndetse na FA Cup zirindwi.
Mu mwaka ushize w'imikino Arsenal yari hafi gushyira akadomo ku myaka 18 imaze itegukana Igikombe cya shampiyona, ariko iza gutakaza umwanya wa mbere mu mikino ya nyuma n'ubwo yarushaga Manchester City amanota umunani yose.
Muri iyi mpeshyi ikipe ya Arsenal ikomeje kwiyubaka dore ko imaze gusinyisha myugariro Jurrien Timber wavuye muri Ajax, KaiHavertz wavuye muri Chelsea, ndetse na Declan Rice waguzwe muri West Ham United akayabo ka miliyoni 105 z'amapawundi.
Arsene Wenger abona ko Declan Rice ari umukinnyi uzahirwa cyane muri Arsenal, ndetse akaba aha amahirwe iyi kipe yo kuba yakwegukana Igikombe cya shampiyona nyuma y'imyaka 19 itagikoraho.
Wenger afite ikizere ko Arsenal izatwara shampiyona(Image:Getty)
Aganira na Eurosport, Wenger yagize ati:"Ndizera ko tuzatwara shampiyona, ni uko bimeze.
"Ndatekereza ko ari ishoramari ryiza(Kugura Rice). Ndatekereza ko baguze neza kuko ni abakinnyi bakuze mu mutwe ariko bakiri bato ku buryo bashobora kugumana imyaka.
"Bazaba ku gitutu kinshi nyuma y'umwaka ushize ariko bize byinshi kandi bashobora kwerekana ko bashobora guhangana n'icyo gitutu ubu.
"Nagombaga gukora nta mafaranga ariko ubu ugomba gushaka ubundi buryo. Arsenal ubu nta kibazo cy'ubukungu ifite kandi baguze abo batekereza ko bazatwara shampiyona."
Arsenal iracyafite guhangana n'ikipe ya Manchester City yayambuye igikombe cya shampiyona mu mwaka ushize, ndetse igahangana n'andi makipe akomeje kwiyubaka arimo Liverpool, Chelsea, Manchester United n'izindi.
Mikel Arteta n'abasore be bamaze kugera muri Leta zunze ubumwe za Amerika aho bagiye kwitegurira imikino yo kwitegura umwaka w'imikino, bazakina n'amakipe arimo Manchester United, AS Monaco na FC Barcelona.
Imikino Arsenal izakina yitegura umwaka w'imikino
