Magingo aya Perezida w'u Burusiya Vladimir Putin yasesekaye mu Bushinwa mu nama ya Gatatu ya "Belt and Road Initiative forum" izatangira kuri uyu wa Gatatu, igahuza ibihungu birenga 130 aho batumijweho na Perezida w'u Bushinwa Xi Jumping kugira ngo baganire ku minshinga y'ubukungu mpuzamahanga.
Ni mu gihe kandi iyi nama izanareba ku ntambara hagati ya Israel na Hamas ndetse niya Ukraine n'u Burusiya. Ku rundi hande, Perezida Putin akaba azahura na munywanyi we w'u Bushinwa Xi Jumping. Aba bombi bakaba baherukanaga muri Werurwe uyu mwaka ubwo Xi yari i Moscow.
Perezida Vladimir yitabiriye inama ya Belt and Road Initiative forum ihuza ibihugu 130 mu Bushinwa
Perezida Putin uru rukaba ari uruzinduko rwa Kabiri mu Mahanga akoze guhera muri Werurwe 2023 ubwo urukiko rwa ICC rwasabaga ko atabwa muri yombi. Mu minsi ishize, akaba ari bwo Perezida Putin yari yakoze urundi rugendo muri Kyrgyzstan. Ni mu gihe aha mu Bushinwa yahaherukaga muri Gashyantare 2022 mu mikino Olympic.
Perezida wa USA ategerejwe i Tell Aviv
Mu gihe aba Perezida b'u Burusiya n'u Bushinwa bari i Beijing, mukeba wabo Joe Biden nawe ategerejwe muri Israel nyuma yo guterwa n'umutwe wa Hamas wo muri Palestine nabo bagatangira kwihimurana ubugome bukabije.
Perezida wa USA Joe Biden ategerejwe muri Israel
Nubwo umunsi nyirizina azagerera aha muri Israel utaratangazwa, ariko biremezwa ko ari muri iki Cyumweru. Ni mu gihe kandi bitaganyijwe ko azajya muri Jordan aho azahura n'umwami Abdullah II, ari nako kandi azahura na Perezida wa Misiri Abdel Fattah el-Sisi. Bikaba binateganyijwe ko azahura na Perezida wa Palestine Mahmoud Abbas.
Byitezwe ko Perezida Joe Biden azahura n'abakuru b'ibi bihugu kugira ngo hirindwe intambara yakwaduka mu burasirazuba bwo hagati iturutse ku gitero cya Hamas muri Israel, nyuma yuko iki gihugu nacyo gikomeje gusenya Gaza mu buryo bukomeye. Hakaba hari kwirindwa ko ibihugu by'Abarabu byakwinjira mu ntambara.
Perezida Vladimir Putin akoze uregendo rwa Kabiri mu Mahanga guhera yasabirwa gutabwa muri yombi
