Kuri uyu wa 18 Mata 2023, nibwo umuvugizi wa Leta mu Burusiya Dmitry Peskov, yatangaje ko ku wa 17 Mata 2023, Perezida Vladimir Putin yasuye Akarere ka Kherson na Repubulika y’abaturage ya Lugansk.
Dmity Peskov akaba yatangarije ibiro Ntaramakuru by'Abarusiya TASS ko Perezida Vladimir Putin yasuye ibi bice mu rwego rwo kwifuriza ababituye Pasika nziza ndetse no gusura abasirikare ku rugamba.
Ubwo yageraga muri ibi bice akaba yaragiye ku birindiro bikuru by'igisirkare cye muri Kherson ku mugenzi wa Dnipr, aho yahuye n'abayobozi b'urugamba muri ibi bihe.
Perezida Vladimir Putin muri Kherson ku mirongo y'urugamba
Ku bw'ibyo, aba bayobozi bayoboye urugamba muri Ukraine, bakaba baratanze raporo y'uko urugamba ruteye mu bice bya Kherson, Zaporozhye na Lugansk.
Perezida Vladimir Putin akaba n'umugaba mukuru w'ingabo z'u Burusiya, iyi akaba ari inshuro ya mbere asuye abasirikare ku rugamba muri Ukraine guhera muri Gashyantare 2023 ubwo imirwano yatangiraga.
Tugarutse mu Karere ka Kherson Putin yasuye, kakaba ari kamwe mu turere tune twa Ukraine muri Nzeri 2022 twemeje ko twabaye intara z'u Burusiya.
Utwo turere twameje kuba intara z'u Burusiya tukaba ari: Kherson, Zaporozhye Lugansk ndetse na Donesky.
Icyakora Perezida Putin akaba yaherukaga gusura agace ka Crimea kabaye ak' u Burusiya muri 2014 nako kiyomoye kuri Ukraine.
Zelenskyy ku rugamba muri Donesk
Mu gihe Peskov yari acyimara gutangaza ko Vladimir Putin yasuye Kherson, Volodymyr Zelenskyy nawe yahise ajya gusura abasirikare be ku rugamba muri Donesk.
Kuri uyu wa kabiri tariki 18 Mata, nibwo Perezida Zelenskyy yasuye ingabo muri Avdiivka aka kakaba ari agace ko muri Donesk.
Ubwo Zelenskyy yari muri Avdiivka, akaba nawe yakiriye raporo ku mirongo y'urugamba uko byifashe ndetse ahemba n'abasirikare bitwaye neza ku rugamba
Perezida Volodymyr Zelenskyy yasuye abasirikare muri Donesk
Tugarutse gato kuri utu duce twa Kherson na Donesk aba bayobozi bombi basuye tukaba ari tumwe mu turere tune twa Ukraine muri Nzeri 2022 twemeje ko twabaye intara z'u Burusiya.
Utwo Turere twemeje kuba intara z'u Burusiya tukaba ari: Kherson, Zaporozhye Lugansk ndetse na Donesky.
Nta kabuza buri ruhande rukomeje gukora uko rushoye ngo rutere akanyabugamo abasirikare barwo ku rugambo dore hari kugwa amagana.
