Ibi byabaye nyuma y’uko Elon Musk aherutse gutangaza ko ikigo cye gishobora guhura n’ibihe bikomeye by'ubukungu mu gihe kiri imbere, cyane cyane kubera ihagarikwa ry’inkunga ya leta ya Trump mu mushinga wo gukora imodoka z’amashanyarazi.
Musk yagize ati "Ndumva mu gihe kiri imbere tuzabona ibihembwe bitoroshye. Ariko ndizera ko bitarenze impera za 2026, ubukungu bwa Tesla buzaba bukomeye cyane."
Kuvana akarenge mu mishinga ya Elon Musk kwa Trump na Leta ayoboye, byahombeje iyi kompanyi miliyoni 600 z'amadorari, ndetse iherutse kugira igihombo itigeze igira mu myaka 10 iheruka nk'uko byagaragajwe na raporo y’igihembwe cya kabiri kuri iyi kompanyi.
Agaciro k'imigabane ya Elon Musk muri Tesla kavuye kuri miliyari 136.3 z'amadorari, kagera kuri miliyari 124.1 z'amadorari, bisobanuye ko yandikishije igabanuka rya miliyari 12.2 z'amadorari.
Umutungo wa Elon Musk ubu uhagaze kuri miliyari 399.8 z'amadorari, akaba ari nawe uyoboye abandi bose ku Isi agakurikirwa na Larry Ellison, Mark Zuckerberg, mu gihe Jeff Bezos aza ku mwanya wa kane.
Umutungo wa Elon Musk nubwo wagabanutse niwe ugitunze agatubutse ku Isi
Donald Trump na Elon Musk bahoze ari inshuti z'akadasohoka
