Hari ku munsi wa kabiri wa Shampiona ya Tanzania yari yakomeje. Ikipe ya Simba Sc ni imwe muziba zihanzwe amaso kurusha izindi kuko iri muzifite abakunzi benshi.
Nyuma yuko iyi kipe yari yatangiye nabi inganya na Biashara United abantu bari bayihanze amaso ngo barebeko bongera gukora amakosa. Ntago byaboroheye kwivana imbere ya Dodoma Jiji yari yabakiriye kuko byabasabye gutegereza umumota wa 70 kugirango Meddie Kagere wari wabanje hanze yinjire mu kibuga maze ababonere igitego kimwe ku busa batsinze 1-0 Dodoma jiji.
Ibi byaje nyuma yuko hakomeje kuvugwa ko Kagere Meddie yaba atabanye neza n’umutoza wa simba sc Didier Gomes da Rosa akaba ariyo mpamvu atajya amubanza mu kibuga ariko aho rukomeye akamwitabaza.
Kagere Meddie yatsinze igitego cye cya mbere muri uyu mwaka w’imikino nyuma yuko byavuzweko ashobora kuba atishimiye iyi kipe kuva yatandukana n’uwari umuvugizi wayo Haji Sunday Manara werekeje muri Young Africans.
Muri iyi kipe umwuka ntiwari mwiza kuko yari imaze imikino 2 idatsinda aho yatsinzwe na Young Africans 1-0 ikananganya na Biashara United 0-0 ikaba iherutse no gutandukana n’uwahoze ari umuyobozi wayo mukuru Mohammed Dewji.
