Mu gihe Israel ikomeje kwihorera ku mutwe wa Hamas wo muri Palestine mu Ntara ya Gaza wabagabyeho ibitero karundura mu mpereza z'icyumuweru, Igisirikare cy'iki gihugu cyamenyesheje Umurango w'Abibumbye (UN) ko bitarenze none saa sita z'ijoro abaturage batuye mu Majyaruguru ya Gaza mu gace ka Wadi bagomba kuba bimukiye mu Majyepfo.
Umuvugizi wa UN Stéphane Dujarric aravuga ko iki cyemezo cyireba abaturage barenga miliyoni 1.1 batuye muri ako gace. Aba bakaba ari 1/2 cy'abatuye intara ya Gaza yose. Iyi Ntara ikaba iri ku mwanya wa Kane mu duce tw'ubucucike ku isi. UN mu itangazo ryayo yagize iti " Umuryango w'Abibumbye ufata ko bidashoboka ko uko kugenda kubaho hatabayeho ingaruka mbi cyane ku baturage."
/cloudfront-us-east-2.images.arcpublishing.com/reuters/IRG2D3RT3ZJTBBAY7KPVL2O3TE.jpg)
Israel iravuga ko bitarenze amasaha 24 abatuye mu Majyaruguru ya Gaza bagomba kuba bimukiye mu Majyepfo yiyo Ntara
Magingingo aya, igisirikare cya Israel cyirwanira mu kirere gikomeje gusuka ibisasu biremereye kuri iyi Ntara ya Gaza aho ikomeje guhinduka amatongo umunsi ku munsi. Ni mu gihe kandi Israel yarahiriye kwihimura ku kigero cyose gishoboka; aho bemeza ko bagomba kurimbura burundu Hamas.
Mu gitero Hamas yakoze kuri Israel, abantu 1,3000 barishwe mu gihe abandi 150 bashimuswe n'uyu mutwe. Ni mu gihe bitangazwa ko ibitero bya Israel bimaze kwivugana abarenga 1,4000 aho muri Gaza. Magingo aya, Israel iri gukusanya amagana y'abasirikare bagomba gukora igitero ku butaka bwa Gaza.
