Muri Gashyantare 2022 nibwo hasojwe igikombe cy'Afurika cyagombaga kuba cyarakinwe mu 2021, ariko kigijwe inyuma kubera Covid-19. Ibi bivuze ko ikindi gikombe cy'Afurika kizakinwa mu mwaka utaha wa 2023.
Muri uku kwezi kwa Gashyantare ni bwo hateganyijwe imikino y'ijonjora ry'ibanze ry'amakipe ashaka itike yo kwitabira igikombe cya Afurika, Aho amakipe atsinze azajya mu cyiciro cya nyuma cy'amatsinda.
Ikipe y'igihugu ya Eritrea yagombaga gukina n'ikipe y'igihugu ya Botswana mu mikino ibiri y'amajonjora abanza yo gushaka itike y'igikombe cya Afurika kizabera mu gihugu cya Cote D'Ivoire umwaka utaha.
Nk'uko byatangajwe n'buyobozi bw'ishyirahamwe ry'umupira w'amaguru muri Botswana bavuga ko impuzamashyirahamwe y'umupira w'amaguru muri Afurika CAF yabamenyesheje ko Eritrea yikuye mu marushanwa ariyo mpamvu bahise berekeza mukiciro gukurikiraho nta nkomyi.
Itangazo ry'ishyirahamwe ry'umupira w'amaguru muri Botswana
