Ifoto ihenze kurusha izindi ! Cristiano na Messi bishyuwe miliyoni $5  yo kwamamaza

Ifoto ihenze kurusha izindi ! Cristiano na Messi bishyuwe miliyoni $5 yo kwamamaza

 Nov 20, 2022 - 12:59

 Amasaha 17 arashize Cristiano Ronaldo na Lionel Messi, Louis Vuitton na gafotozi Annie Leibovitz bashyize hanze ifoto yamamaza ibikorwa byose bya Louis Vuitton ya hariya mu Bufaransa. Ikiguzi cy’iyi foto gihagaze miliyoni eshanu z’amadolali y’amerika. Aba bagabo bafite ibigwi muri ruhago bari bicaye ku gikapu (Suitcase) ubusanzwe kimenyerewe mu gutwara amafaranga ku banyapolitiki ,ibyamamare n’abacuruzi baba bagiye mu rugendo. Iriya foto niyo ihenze kurusha izindi ku isi. Ihagaze miliyoni 440 ($).

Inkuru nyinshi ziri ku mashakiro ya murandasi ziragaruka ku kuba Cristiano na Messi bashyize hasi ubukeba bakiyemeza gukorera idolali bamamaza ibikorwa bya sosiyete Louis Vuitton yinjiza miliyali 14 z’amayero buri mwaka. Nafashe umwanya ndaranganya amaso kuri murandasi nsanga inkuru nyinshi ziri kugaruka ku ifoto aho kubwira rubanda igiciro bishyuwe.

 

Ikinyamakuru kitwa American Post cyanditse inkuru ndende yerekana akayabo Cristiano na Messi bishyuza ku muntu wese ushaka ko bamwamamariza ku mbuga nkoranyambaga zabo nubwo bakurikirwa cyane ariko hari umubare munini w’ababakurikira b’ibihuha (fake followers). Icyokora ibi ntacyo bibwiye sosiyete zifuza gukorana nabo.

 

Gafotozi Annie Leibovitz w’imyaka 73 wo muri Amerika  niwe wafashe iriya foto. Avugako ariyo foto ihenze ku isi. Iyi foto ihagaze miliyoni $440. Mu manyarwanda ni miliyali 440 Frws. Iyi mibare igaragazwa na The Portal The Money kuko niyo igaragaza uko amafoto (portrait) aba ahenze. 

Ayo bishyurwa kuri post imwe yo ku mbuga nkoranyambaga

 

Hopper HQ yo mu Bwongereza yerekanako Cristiano Ronaldo niwe uhenze cyane ku isi kuko ari nawe ukurikirwa cyane doreko afite miliyoni 499 zimukurikira kuri Instagram ubwo nandikaga iyi nkuru ariko baraza kwiyongera kuberako mbere y'iyi foto bari miliyoni 497. Birumvikanako hiyongereyeho miliyoni ebyiri mu masaha 17.

Cristiano yishyuza miliyoni ebyiri n'ibihumbi 397 ($) kuri post imwe. Ku mwanya wa Gatatu mu bahenze ku mbugankoranyambaga haza Lionel Messi aho yishyuza miliyoni imwe n'ibihumbi 777 ($) kuri post imwe.

Kugirango iriya foto igere kuri accounts zo muri Portugal na Argentine nibura hakoreshejwe miliyoni 4 na 474 ($), (Paid promotion).

 

Nibura iriya foto ihagaze arenga miliyoni eshanu z’amadolali y’amerika. Uriya wayifotoye ku munsi yishyuwe $170,000 ariko ashobora kurenga bitewe n’akazi yahuye n’ako. Igishoboka nuko atajya mu nsi y’ariya navuze hejuru. Mu minota 30 iriya foto kuri instagram account ya Messi yari imaze gukundwa (likes) na miliyoni 2.5 yavuzweho (comments) 60,000. Barimo umugore wa Lionel Messi witwa Antonela Rocuzzo n'umwana wa Sergio Kun Aguero witwa Benjamin. Birashoboka ko iki gikombe cy'isi kigiye kubera muri Qatar ari icya Gatanu cya nyuma aba bagabo bazaba bakinnye kuko bari kugana izabukuru muri ruhago. Louis Vuitton yabayeho mu 1854. Yatangijwe na Louis Vuitton ikaba ifite icyicaro mu Bufaransa , Paris. Ku mwaka yinjiza miliyali 14 z'amayero (Annual revenues). Ikora ibikapu bihenze, amasaha, imirimbo y'ubwiza, inkweto, video games, imyenda, imikandara n'ibindi.

Inkuru wasoma