Ter Stegen w’imyaka 33 y'amavuko, yinjiye muri Girona mu ntangiriro z’ukwezi kwa mbere ku nguzanyo, yakinnye imikino ibiri gusa. Yavunitse mu mukino Girona yatsinzwemo na Real Oviedo 1-0 ku wa Gatandatu, bikekwa ko ashobora kumara nibura amezi abiri adakina.
Ikipe ya Girona yatangaje ko Ter Stegen yagize imvune yo mu itako ry’ibumoso, kandi akiri gukorerwa ibizamini byisumbuyeho kugira ngo hamenyekane neza uko ihagaze.
Bitewe n’iyo mvune, Girona ishobora guhagarika amasezerano y’inguzanyo hakiri kare ikishakira undi munyezamu mbere y’uko isoko ry’igura n’igurisha rifunga.
Ku ruhande rwa Barcelona, umutoza Hansi Flick yavuze ko ataramenya icyemezo kizafatwa, yemeza gusa ko Ter Stegen yavunitse koko.
Umwanditsi: NIYOMUKIZA Gratien
