Iki cyemezo cyari cyajyanye no gusesa itsinda ry’abatoza n’abatekinisiye ryari riyoboye ikipe, nyuma y’uko Gabon ititwaye neza muri iri rushanwa rikomeye rya Afurika, bigateza impaka n’umujinya mu bafana n’abakurikiranira hafi ruhago y’iki gihugu.
Mu itangazo ryashyizwe ahagaragara n’inzego za siporo za Gabon, hemejwe ko abakinnyi bakomeye Pierre-Emerick Aubameyang na kapiteni w’ikipe Bruno Ecuele Manga bongeye gusubizwa mu Ikipe y’Igihugu, bityo bakazongera kuyihagararira mu marushanwa ari imbere.
Minisiteri ya Siporo ya Gabon yasabye Ishyirahamwe ry’Umupira w’Amaguru muri iki gihugu (FEGAFOOT) gutegura byihuse gahunda yo gushyiraho itsinda rishya ry’abatoza n’abatekinisiye, rizaba rifite inshingano zo kongera kubaka ikipe, kuyitegura no kuyishyira ku murongo mwiza mbere y’uko hatangira imikino yo gushaka itike ya CAN 2027.
Abasesenguzi ba siporo muri Gabon bavuga ko iki cyemezo ari intambwe ikomeye yo kongera icyizere mu bakinnyi no mu bafana, ndetse kikaba kigaragaza ubushake bwa Guverinoma bwo gushora imbaraga mu kuzamura ruhago y’igihugu.
Gabon irateganya gukoresha aya mahirwe mashya mu kongera kwiyubaka, kugira ngo Panthers zisubire mu makipe akomeye ahatanira ibikombe ku mugabane wa Afurika.
Ikipe y'igihugu ya Gabon yongeye kwemererwa gukina
